نامرن
Jump to navigation
Jump to search
لەسەر زاری یەکێ لەو پاڵەوانانە وتراوە کە لە دوا تەقەی شۆڕشی مەهابادی پیرۆزدا بەشدار بووە هەر لە یەکەم ڕۆژیەوە هەتا کۆتاییی کۆماری دێموکراتی کوردستان و ژیانی پێشەوای کورد قازی محەممەد و پەرژوبڵاوەی شۆڕشگیڕانی کورد لەو پارچە پیرۆزەی کوردستانی گەورەدا ئەو هەڤاڵەش بە دڵێکی پڕ لە سۆ و سۆزەوە باسی هەلوێستێک لەو هەلوێستانە ئەکات کە لەبیری ناچێتەوە.
| ڕۆژانی کۆتاییی جەنگە | ئێوارەیە ڕۆژ درەنگە |
| منیش لە کاتی شەڕا بوو | کاتی جەنگین و هەرا بوو |
| کاوەی هاوڕێم لێ بزر بوو! | ڕەشە ڕاهات بۆ کوێوە چوو؟! |
| نازانم کوا، چی بەسەر هات؟ | کوژرا یاخود لە جەنگ هەڵهات؟ |
| بڕواش ناکەم کەوا هەڵبێ | یان ئەوەندە لەش تەمەڵ بێ |
| بریندار بێ و بۆی کەوتبێ | ئەشترسم زامەکەی زۆر بێ |
| نەتوانێ لە سەنگەرا هەڵسێ | خۆی بۆ زامەکەی خستبێ! |
| سەرم لە سەنگەر هەڵبڕی | ڕوانیم کاوەم نەکردە دی |
| چاوم بڕیە ئا ئەو جێگا | کەوا کاوە ئەجەنگێ تیا |
| سەیرم کرد وا بەڕووی جەنگا | لەو سەنگەرەی لێی ئەجەنگا |
| لاشەیەک سەرەو ژێر بووە | کوژراوە گیانی دەرچووە |
| فرمێسک لە چاوما قەتیس ما | سەرم گێژ و واقم وڕما.. |
| لەپڕ دامە پڕمەی گریان | زانیم کوژراوە کاوە گیان |
| بە هەناسەی قەقنەسمەوە | بە نزوولەی بێکەسمەوە |
| ئەموت بمرن گشت زۆرداران | نەمێنێ تاقیان لە جیهان |
| بمرێ زۆری داگیرکەران | لەسەر میللەتان و گەلان |
| وا ئەم کارەساتە ئەکات | مرۆی بەنرخ لەناو ئەبات |
| تۆ بڵێی ئەمانە وەها | لە پێناوی کوردستان |
| بە شانازی فیدا بوون | بەفیڕۆ بڕۆن لەناو چن |
| دەروونم لێم هاتە وەڵام | وەڵامێکی یەکجار بەسام |
| نەخێر هیچ کاتێ نامرن | شەهیدن، بۆشیی دڵ ئەگرن |
| هەرچەنە بێ گیان کەوتبن | بە بارووت و گوللەی دوژمن |
| لاشەیان هەلاهەلا بێ | بە دووکەڵ ڕەش داگیرسابێ |
| هەر زیندوون و لەبیر ناچن | ماون هیچ کاتێ نامرن |
| ئەی دایکانی ڕۆڵەکوژراو | دڵقرچاوانی جەرگسووتاو |
| بزانن ڕۆڵەی شەهیدتان | پێشمەرگەکانی کوردستان |
| کە ماوەی ژینیان تێکۆشان | بێ ترس لە ژین بەبێ کۆڵدان |
| قەت نامرن و هەر ماون | ئێوەمانان لەبەر چاوان |
| ئەو لاشەیان کە کەوتووە | لە ڕێی گەلا بەخت بووە |
| لەسەر خاک بێ نازی ئێوە | بە شانازی بە ئەو شێوە |
| پردی ڕێگای سەرکەوتنن | هۆی باوەڕ بەهێز کردنن |
| باوەڕی نیشتمانپەروەری | بێ ترسان لە دەردیسەری |
| کەواتە فرمێسک مەڕێژن | شادیی دەروونتان مەنێژن |
| شانازی کەن کە کۆرپەتان | بۆ نیشتمانتان پێگەیان |
| ئێستاش بەختی ئەو ڕێیەن | بۆ کورد سامان و سەرمایەن |
| خوشکەکانم ... دایکەکانم | دڵسۆزانی کوردستانم |
| ئێوەن بەنرخترین مرۆ | بۆ نیشتمان هەتا ئەمڕۆ |
| کەوا دڵسۆزترین کەسن | ئەی دایکانی بەرزی مەزن |
| بە شیر و باوەشی پیرۆز | بەلایلایە و بە ڕەحم و سۆز |
| پێتانگەیان قارەمانان | پێشمەرگە و خۆفیداکاران |
| بۆ وشەی جوانی «ڕزگاری» | بۆ سەربەستی و فیداکاری |
| وەکوو ئەمڕۆ کە ئەیبینین | بەرەو ڕووی دوژمنان ئەچین |
| هەموو کۆرپەی دایکمانین | پێشمەرگەی ڕێی کوردستانین |
| ئێوەش شەهیدن نەمردوون | کەواتە توخوا تێر بنوون |
| لە باوەشی کوردستانا | کوردستانی دایکمانا |
| ئەو کوردستانەی کە تێکڕا | هەمووتان وەکوو یەک برا |
| خۆتان لە پێناویا دانا | هەرگیز زیندوون هەتاهەتا |
| هەرچەند لە خاکا دەردەسن | ئێستاش پشتیوان و کەسن |
| بۆ ڕزگاریی ئەم وڵاتە | کە گیانی ئێوەی خەڵاتە |
1959/10/01
سلێمانی
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse