میرزام چەمەنان

From Wikisource
Jump to navigation Jump to search
میرزام چەمەنان  (1868) 
by سەی یاقۆ
میرزام چەمەنان ... سیزدەی ساڵ نوو، سەیر چەمەنان
تورکیان تەرک، نازک بەدەنان خانم خاتوونان، گیسوو کەمەنان
مەلەک مەحبووبان، حووری حووریان سەوڵی قامەتان، تەن بلووریان
تەرمەی زەڕبەفت پووش، پێچەکەڵافان بانوو بەگزادە، نویری سەرافان
ئەتڵەس و مەخمەڵ، کەڵافی زاخان پووشان پەرێ سەیر گێڵگەشت باخان
ڕەنگ بەسی ڕەنگین، سەر تا وە دامان جەمەن نە سەراوسەر چشمەی خانان
جامەی ئەو ئەتڵەس، تافتەی زەڕین بوو پووشان پەرێ سەیر سیزدەی ساڵ نوو
نەوبەهار وە کەیف دەماخشان بی ئیرادەی گێڵگەشت چار باخشان بی
عەقەب عەقەب بی، پاشووپاشوو بی سەرتاسەر زەمین، چوی دیبای نوو بی
بڕێ بڕێ بی، بڕۆبڕۆ بی هەرکەس نگا کەرد، دڵ نە گرەو بی
سەیر سەرچشمەی سەراوان کەردەن ئێوارە وەختێ گشت تەشریف بەردەن
خانمان لوان وە ماوای وێشان هەر سەی یاقوو مەن پەرێ ئاوکێشان


This work was published before January 1, 1929, and is in the public domain worldwide because the author died at least 100 years ago.