موسوڵمۆنا ئەز عاشقنۆ
Jump to navigation
Jump to search
| موسوڵمۆنا ئەز عاشقنۆ، تەن و جەستەم پەشێو حاڵۆ | تلێم خەستە، دڵم خەمگین، چەمم هەرسین، زوان لاڵۆ |
| ئەزیچ بێم یارە لەنجێڤە، ڤلێوە، سوورە سنجێڤە | زەریفە، ساوە زنجێڤە، گوڵ ئەندامە، زەریف خاڵۆ |
| ئەگەر دۆسەم کە دەم بارۆ، خەمێم گردی مەدۆ وارۆ | کەرو شاباش و نازارۆ، ئەگەر موڵک و ئەگەر ماڵۆ |
| برەم «مەجنوون»، برەم «بارۆم» «نیشات»، تاکەت لوام ئارۆ | جگاش ئاستۆ، لوا نامۆ، بێ ئادە زیندەگیم تاڵۆ |
| گیۆنڵەم بێ بەها بەرشی، دە تۆ بۆرێ سەرو فەرشی | سەرەم یاوۆ کولە و ئەرشی، کەرو پەرواز چەنی باڵۆ |
| جە داخ و تۆوە ئەی دیدەم، مروونە وەسیەتم ئێدۆ | بەرینە پی چووە تەرمم، نەمامۆ دارو شەمشاڵۆ |
| مەر ئەوسام تۆ بلی دڵنە، برونە زێدو مەنزڵنە | کەرار دە و مەنزڵەم گڵنە، بەیۆم سەرڤە خڕو پاڵۆ |
| دەرەک من گەر مروو دیدە، تە وەش بینە و نەڕەنجیدە | فدێو تۆ بۆ جەسە و سەیدی، تە کاڵۆنی، هومای کاڵۆ |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse