مصطفى كمال پاشا حضرتلرينك عالم انسانيته بياننامه سى

مصطفى كمال پاشا حضرتلرينك عالم انسانيته بياننامه سى

ازميرك يوم اشغالندن برى امحه كار بر سيل حالند آياق باصديغى بتون اقسام مملكتى ياقوب ييقان و اهالئ اسلاميه حقندا انواع مظالم ارتكاب ايلين يونان اردوسى بتون حقوق بشر و عهود حربيه يى آياقلر آلتنه آله رق حط حرب اوزرنده ياقالانان اسيرلريمزك سونكو ايله كوزلرينى اويمق ٬ غير محارب قادين ٬ اركك اهالئ اسلاميه یی قتل عام ایلمك ، اهالئ مذكوره یه عائد اموال ، اشیا و حیواناتی یاغما ایله رجعتلرنده برابر كوتورمك اسلام قدينلرينك ناموسلينه تجاوز ايلمك ، بيوك كوچوك پك چوق كوى و قصبهلريمزى و چفتلكلرى تخريب و ايحراق ايتمك ، بو ميانده معابد اسلاميهيى و توركر ايچون پك محترم بر يادكار تاريخ اولان سكوددهكى ارطغرل غازى تربهسنى ديناميتله برهوا ايلمك كبى جنايات و فجايعى تطبيق و اجراده اصلا قصور ايتمهمشدر.

بشريت حضر ايچون ابدى بر لكه ماهيتنه بولنان وتوركك ايمان مدافعهسنه مستثنا بر قودرت مقاومت علاوه ايلين بو سلسلۀ ملعنتك شمدىيه قدر وثائقه مستنداً تثبيت ايديله بلن نتايجى ملفوف بر نومرولی ذیلده كوسترلمشدر. معروض فجايع اولهرق اليوم دشمندن قورتارلمش اولان اقسام وطنك بو تجاوزات يوزندن عرض ايلدكى اك صوك منظره او قدر اليمدر كه ايلك ازميرفجایعنی تدقیق ایدن هیئت بین الملیه طرفندن وقوعنه شهادت ايديلن خادثات بونك ياننده اهميتسز قالير. توركيا بويوك ملت مجلسى نامنه ایشبو فجایع بتون بشریتكنظر عبرت واطلاعنه عرض ايدر و بدبخت اقسام وطنمزه و ناموس و استقلالنى مدافعه كبى مقدس بر وظيفهيى ايفا ايتمكده غلان ملتمزه روا كوريلن بو مظالمى مدنيت اوكنده كمال شدتله پروتستو ايلرم .

۱۲ نسان ۳۳۷

بويوك ملت مجلسى رئيسى

مصطفى كمال

۰ ۱ ۲ ۳ ٤ ۵ ٦ ۷ ۸ ۹ آ ا ب پ ت ث ج چ ح خ د ذ ر ز ژ س ش ص ض ع غ ط ظ ف ق ك گ ڭ ل م ن ه و لا ی ئ

° ² ³ ½ ¼ · {{Rtl}} ·   · {{-Rtl}} · . · ، · * · ~ · | · < > · [] · [[]] · { } · {{}} · #redirect[[]] · [[Category:]] · [[İmage:]]