مرسين ليمان ايشلرى تورك آنونيم شركتى نظامنامۀ داخليسى

From Wikisource
Jump to navigation Jump to search

مرسين ليمان ايشلرى تورك آنونيم شركتى نظامنامۀ داخليسى

برنجى فصل

شركتك تشكيلى و مقصدى و اسمى و مركزى بياننده در

برنجى ماده - مرسين ليماننده كميلر ايچون طاتلى صو توزيعاتى ، كميلره طاتلى صواعطاسى و كومورده داخل اولديغى حالده يولجى آغيرلغى خارجنده بالعموم تحميل و تخليه و دالغيچلق ايشلرى خصوصاتنه دائر ۲٥ تشرين ثانى ۱۳٤۱ و ۱٦ مارت ۱٩۲٦ تاريخ و ۲٨۳۰ و ۲۳٧۱ نومرولى قارارنامۀ عالى يه مقترن و بالجمله حقوقى ايشبو شركته مدور امتياز مقاولهنامهسى احكامنه توفقاً اجراى معمله ايتمك و تحميل و تخليه ايچون لازم كلن وينجلرى و وصائط سائره يى ايشلتمك و ايجاب ايدن مراكب بريه و بحريه يه و مبانى تأسيساته دهپو و آنترهپولره تصرف ايتمك اوزره زيرده محررين امضا مرسين ، طاسوس ، آطنه بلديه لريله مرسين ولايتى ادارۀ خصوصيهسى و مرسين تجارت اوطهسى و سيرسفائن مديريت عموميهسى ايله ترتيب و اخراجى بروجه آتى قرارلاشدريلان حصهلر اصحابى بيننده بر تورك آنونيم شركتى تشكيل اولنمشدر.

ايكنجى ماده - شركتن عنونى - مرسين ليمان ايشلرى انحصارى تورك آنونيم شركتى - اوله جق و تبعيتى اعتباريله بالجمله معاملاتى حقنده توركيه جمهوريتنك قوانين و نظامات حاضره و مستفبلهسى تطبيق ايديلهجكدر. شركت اشخاص حاكيهنك اموال غير منقولهيه تضرفلرى حقندهكى قانون احكامنه توفيقاً اساس مقصد و تدويت معاملاتى ضمننده اموال غير منقوله يه تضرف ايدهبيليرلر.

اوچنجى ماده - شركتن مركزى مرسينده اولاجق و انحصار حقى يالكز مرسين ليماننه منحصر قالمق شرطيله ممالك جمهوريهنك سائر بر محلنده ويا ممالك اجنبيهده دخى شعبهلرى بولنهبلجكدر. شعبهلر آچيلدقجه تجارت وكالتنه معلومات ويرلهجكدر.

دردنجى ماده شركتك مدتى بعض اسبابدن دولايى قطع ويا تمديد ايدلمدكجه اوتوز سنهدن عبارت اولاجقدر.

ايكنجى فصل

بشنجى ماده - شركتك سرمايهسى ايكييوز بيك ليرده عبارت اولوب بهرى يكرمى تورك ليراسى قيمتنده سكزبيك حصه يه منقسمدر. بوندان باشقه تعيين قيمت ايدلمكسزين آلتى يوز مؤسس حصهسيده اسفراح ايدله رك مذكور آلتى مؤسسه آرهسنده متساوياً تقسيم ايدله جكدر. هيئت عموميه نك ايشبو سرمايه نك بر مثلى تزييد ايتمكه ضلاحيتى اولاجقدر. تزييدسز سرمايهيه قرار ويلدكى زمان حكومته معلومات ويريلهجكدر. سرمايهنكن بر مثلندن فضله تزييدى اول امرده حكومتك موافقتنك استحصالنه موقفدر شركتك حصه سندلرى بدللرى تماماً تحصيل ايدلمش اولمادقجه تزييد سرمايه يه و يكيدن حصه سندى اخراجنه قرار ويريله مز . شركتك اخراج ايله يجكى حصه سنداتنك نمونه لرى قبل الاخراج لاجل ا لتصديق تجارت وكالتنه تجديع ايدله جكدر.