قیبلەم ڕێش نەبۆ
Jump to navigation
Jump to search
| قیبلەم ڕێش نەبۆ، قیبلەم ڕێش نەبۆ | ئەر دڵ وەمەودای عەشقت ڕێش نەبۆ |
| ئەر تەن بەڵابار مەینەتکێش نەبۆ | ئەگەر دیدەم خار دووریت تێش نەبۆ |
| ئەو دڵ سیاسەنگ ئەو دیدە تار بۆ | ئەوتەن کۆنە کونج ماوای مەزار بۆ |
| سەرێ سەراسەر نە سەودات نەبۆ | گشت دەمێ نە گەرد خاک ڕات نەبۆ |
| ئەو سەر بێ سامان نە تەن جیا بۆ | خامۆش غەڵتان خاک سیا بۆ |
| پاێی نەکەرۆ ئاموشۆ وەلات | دەستێ نەکێشۆ شەوو وڕۆ جەفات |
| ئەو پاگەستەی مار ئەفعی حەفت سەر بۆ | ئەو دەستە مەجروح زام خەتەر بۆ |
| زووانێ نە زکر سەنای تۆ نەبۆ | شەوو وڕۆ نە فکر دۆعای تۆ نەبۆ |
| ئەو زووان بێنوتق هەر وە پڵاس بۆ | ئامین بڕیدەی تێخ ئەڵماس بۆ |
| من جە دووری تۆ شای شەم جەمینان | هەر کاتێ زانای لاشەم مەوینان |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse