قیبلەم چی دونیا
Jump to navigation
Jump to search
| قیبلەم چی دونیا، قیبلەم چی دونیا | ئێندە ئاواتم مەندەن چی دونیا!!... |
| ڕوێ وەر جە مەرگ بە دیدەم بدیا | لەب وەبانی لەب لاڵی تۆم بنیا |
| هەردوو بنیامان سەر وە یەک سەرین | کەردامان ڕازی ویەردەی دێرین |
| بدیام دەستی تۆم وستەن نە گەردەن | ئەوسا بواستام ئاوات وە مەردەن |
| بۆ بنیام وە بۆی زوڵفی موشکینت | بکەردام تەواف کابەی جەمینت |
| باڵای وێم پەخشان باڵات بکەردام | داخم نەمەندا، ئەوسا بمەردام |
| ئەوسا، جەو دما ئەگەر مەمەردم | پەی مەردەیی وێم شادی مەکەردم |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse