قیبلەم و زووخاڵ
Jump to navigation
Jump to search
| قیبلەم و زۆخاڵ، قیبلەم و زۆخاڵ | سا من جە دووریت نەبیم و زۆخاڵ |
| سفتەم وە هەردان نەبەردش شەماڵ | ژیام، نەمەردم، هەر مەندم وەی حاڵ |
| تەمامی ئەعزام نەبی وە نەی کۆ | زەلان ناوەردش، گەردم وەلای تۆ |
| هەنی چێش واچوو، چێش پەنەم ئامان | خەجاڵەت بارم تا مەرگ سامان |
| ئەر وەفام مەبی، شای زوڵف عەنبەر بۆ | مەویا هەر ئەو ڕۆ دوور کەوتم جە تۆ |
| دەرسات گیانەکەم تەسلیم بکەردا | تۆ پەی مەوتێ من غوسسەت بووەردا |
| ئیسە دووریت دیم ژیام نەمەردم | قەدەم وەماوای عەدەم نەبەردم |
| چەنی بواچوو داروو وەفای تۆ | وێم چەنی وەفام خاکم بە سەر بۆ |
| «ئەحمەد» تا ئەورۆ ماواش مەزارەن | جە ژیان وێش خەجاڵەت بارەن |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse