قیبلەم ویر نەبێ

From Wikisource
Jump to navigation Jump to search
قیبلەم ویر نەبێ  (1849) 
by سەیدی
قیبلەم ویر نەبێ، قیبلەم ویر نەبێ جارێ چوون جاران ئێمەت ویر نەبێ
کەشتیمان بە دەس تۆ تەقدیر نەبێ ئەرنا جەلای تۆ هیچ تەقسیر نەبێ
ئەر تەقدیر بە دەس تۆ بیا مەرگم مەودای تێغی تیژ مەدات وە جەرگم
مەدات وە جەرگم سەد جار نێشی تێغ تا ڕیشەی گیان مەکەندی جە بێخ
ئەر جەرگم بدەی لەت لەت بە چڵدا ئەسڵا ئینسافت نیەن جە دڵدا
بێ مروەت جارێ جە حەق نەتەرسای پەی جەستەی خەستەم هەرگیز نەپەرسای
هەر ڕۆ جە نۆوە مەڕەژی چاوان سەر نێشی موژەت وە سوهان ساوان
موژانت هوون ڕێز، کوشندەن قاتڵ یەک یەک چوون خەدەنگ مەدەیشان نە دڵ
هەزاران زامت وە جەرگم کەردەن خەمتەن هوونی من بەیۆت وە گەردەن
هەرگیز بێ ئینساف نەداری عادەت جارێ زامدارت کەری عەیادەت
تۆ دیدەت پەی قەسد کوشتەی من ڕەشتەن چمان کە سەیدی بابەی تۆش کوشتەن


This work was published before January 1, 1929, and is in the public domain worldwide because the author died at least 100 years ago.