قد تجلی من شعاع الکاس انوار البها
| قد تجلی من شعاع الکاس انوار البها یازار: سید عظیم شیروانی |
قد تجلی من شعاع الکاس انوار البها،
تلک فضل الل بل یهدی لنور من یشا.
مشرق ساغردن ائتدی آفتاب مئی طلوع،
مغرب مینادا وئردی عالمه نور و بها.
مئی ظهورو اولدو ساغردن عیان عالملره،
کور اولما، چئشمیمه وئر دور ساغردن جلا.
غولغولِ مینا صدای حقی ائیلر آشکا،
دعوتِ حقدیر، بو گون آفاقی توتموش بو صدا.
جان و دل صبح ازلدن طالیبِ دلدار ایکن،
شوکر کیم تاپدی گؤزوم دیدارِ ساغردن ضیا.
جامِ مئی آئینه ی اسرار حقدیر، ای کؤنول!
ایسته سن اسرار حقی، جم ایله اول آشینا.
یوخدو بیر رمز آشینا بو عصر بدفرجامدا،
ائیلمه اسرار حقی چوخدا سید برملا.