قانع و گۆڕی موفتی توتنچی
Jump to navigation
Jump to search
| ئەی برای شیرین هاوفەردی فەردم | کڵێشەی وێنەی ڕەنگەکەی زەردم |
| هاوڕێی مناڵی قوتابخانەکەم | هاوڕێی چۆڵ گەردی بیابانەکەم |
| هاوڕێی سارای مەیل مەریوانەکەم | هاوڕێی هاتوچۆی گەرمیانەکەم |
| هاودەردی دەروون، هاو خەیاڵەکەم | هاوڕازی پەنهان، هاوئەحواڵەکەم |
| هاوبیر، هاوگریان، هاوشین، هاوزاری | هاو ئێش، هاوبرین، هاو بێقەراری |
| من و تۆ هەردوو قوربانی خاک بووین | بۆ جێماوی هۆز دیدە نمناک بووین |
| من و تۆ هەردوو بولبولی گوڵ بووین | یەک لە یەک بەدتر گیرۆدەی چڵ بووین |
| من و تۆ هەردوو ئاوارەی دەرد بووین | من و تۆ هەردوو هەناسە سەرد بووین |
| چەن تیری تانەی وەتەن فرۆشان | چەن توانجی سارد بێگانە و خوێشان |
| چەن کزەی جگەر، چەن قرچەی دەروون | چەن ئاهی شەوان بەزار و زەبوون؟ |
| چەن شەوی پاییز، تا ڕۆژ دوو بە دوو | چەن هەوڵی بێ سوود، چەندە هات و چوو |
| بۆ بەجێت هێشتم ڕووناکی دڵم؟ | دیلی گیراوی زیندانی گڵم |
| وەڵامی مفتی بۆ قانع | |
| بە دەنگی نەرم کە هاتە زمان | وتی ئەی هاوفەرد، وێڵی بیابان |
| ئاخر چۆن نەمرم بەم ئاخ و دەردە؟ | بەم لێوە وشکە، بەم ڕەنگە زەردە؟ |
| بەم ناحەقانەی بە چاو ئەبینم | گورگ سەر ئەکاتە لاشەی بێ تینم! |
| ئەبینم هۆزم تەواو جێماوە | لەبەر نەزانین تەواو فەوتاوە |
| ئەبینم سوودی نیشتمانەکەم | دەسمایەی لاوی نەوجوانەکەم |
| بەهیچ کلۆجێ سۆراخی نییە | نازانم قانع، ئەم سیحرە چییە! |
| ئەبینم هەتیو ناوشان داچەکاو | پێ بە پێخاوس، برسیو لێقەوماو |
| بێوەژن بێهۆش، لە کۆڵان کەوتوو | پیرە پیاو بێ جل، لەسەرما خەوتوو |
| ئەبینم لادێ نەخوێندەوارن | بە زکی برسی کۆڵکێشی دارن |
| جەنابی یاشێخ چاو دائەپۆشێ | خوێنی هەزاران نەفام ئەنۆشێ |
| یەک بە پزیشکی، یەک بە ئاغایی | یەک بە ڕاو و ڕووت، یەک بە کوێخایی |
| یەکێ سوفیە و یەکێ دەروێشە | یەکێ نوشتەنووس، یەکێ هوو کێشە |
| یەکێ مەلایە و دیناری ئەوێ | ئەگەر نەیدەیتێ تەڵاق ئەکەوێ |
| خۆ باوە سەید مێزەری سەوزە | ماشاللای لێ بێ وەک بەچکە غەوزە |
| ئەبێ بۆی کۆ کەی دینار و دەرهەم | لە شەکر و چایی لە زۆر تا بە کەم |
| هەی خۆزگەت بە خۆم، بە سەدهەزار جۆر | کە نەجاتم بوو لە لە ئێش و ناسۆر |
| هەی خۆزگەت بەخۆم، کە نەما ژینم | ئیتر نەجمەکەی ناوچاو نابینم |
| هەی خۆزگەت بەخۆم، فەڕاشی مدیر | ئیشم پێی نییە و لێم نابێ زویر |
| هەی خۆزگەت بە خۆم، شادو مەسروورم | لە ئیستهلاک و لە گومرک دوورم |
| هەی خۆزگەت بە خۆم، چەندە سەربەرزم | ئیتر لە دەرگای تەجنید نالەرزم |
| هەی خۆزگەت بە خۆم جگەر وەک کەباب | ئیتر ئیتریبات پێم ناڵێ سەگباب |
| هەی خۆزگەت بەخۆم کە ناوم نابەن | لە مزگەوتانا، غەیبەتم ناکەن |
| چاک نەجاتم بوو، هەتا نەفخی سوور | کا و جۆ نایەنم بۆ ئەسپی مەئموور |
| ئەگەر ئەتەوێ تۆش خۆت ڕزگار کەی | لەدەس ئەمانە تەواو فیرار کەی |
| هەڵسە بێرە ناو گۆڕی تار و تەنگ | بە جووت دانیشین بێ سەدا و بێ دەنگ |
| ئیتر براگیان ئەم کوردستانە | زیندانی دەستەی ئێمەومانانە |
| بەخوات ئەسپێرم دەروون پڕ لە زام | وا چاوەڕێتم، زووکە بێ بۆلام |
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse