فەڵەک بەردەنم
Jump to navigation
Jump to search
| فەڵەک بەردەنم فەڵەک بەردەنم | ڕاسەن سوجدەی دەیر تەرسا بەردەنم |
| دەستم دامانت دیدەم و لەیلات | وادەی وەفاتەن ئێزهار کەر وەفات |
| وەختێ مەورام و ئەلحەد سەرای نۆ | جە داخ تووە مشووم و گڵکۆ |
| جە بۆنەی کارێ، شای وەفاداران | قەدەم رەنجە کەر وەسەر مەزاران |
| هەر قەبرێ دوودش نە عەرش ویەردەن | تەپ و دووی دووکەڵ عاڵەم قڕ کەردەن |
| بزان و تاقی مەزار منەن | ئەو دوو دووی دڵەی ئەوگار منەن |
| نەواچی مەمات نە سەرای گڵکۆن | حەیات و مەمات، ئاما و لوای تۆن |
| بخرامە و ناز و سەر جەنازەم | بکەرۆ حەیات، مەمات تازەم |
| ساتێ مەدارکەر نە پای مەزارم | گۆش دەر و ناڵەی دڵەی ئەوگارم |
| تا داد و بێداد، هێجران باڵات | مەحروومی دیدەم نە گەرد پاڵات |
| نەمانۆ نەدڵ عەرز کەرۆ وەتۆ | با نەشۆ وەحەشر، چون شی وەگڵکۆ |
| «ئەحمەد» دەرد دڵ ئەر واچۆ وەتۆ | سەر ئازاد مەبو نە سەرای گڵ کۆ |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse