فەلەک زەیارەن
Jump to navigation
Jump to search
| فەلەک زەیارەن ... | خەلایق پەشێو زار و زەیارەن |
| دارا و نەدارا یەکسەر خەمبارەن | چەمەڕای ڕەحمەت فەزڵی جەببارەن |
| موحتاجی موفلس، گەدا و فەقیر | غەنی و بێنەوا، نەبینا و ئەسیر |
| ئینس و وحووش و تەیر و موور و مار | زومرەی حەیوانات سەغیر و کوبار |
| جە نامەی ئەمتار وەعدەش ویەردەن | ڕووشان جە قاپی ئەعلای تۆ کەردەن |
| کەردەنت ئیجاد سەحرا و سەرزەمین | ڕەزاق و ذي روح رَبّ العالَمين |
| پادشاهی- عەزیم و جەبار | ستار و سەرپۆش واحد القَهّار |
| بە یەکتایی هویت فەردی بێ هەمتا | بە ڕۆحی شەریف ڕەوزەی مستەفا |
| بە پێغەمبەران، ئادەم چەنی ڕووح | بە شیس و ئیدریس، هوودی پڕ فتووح |
| بە زەکەرییا، بە سەبری ئەیووب | بە حوسنی یووسف، بە نەوحەی یاقووب |
| بە مووسای کەلیم، وەو عیسای مەریەم | بە گشت موڕسەڵان نامان وە قەڵەم |
| بە گشت شەهیدان دەشتی کەربەلا | یەکاویەک تەسلیم لە ڕا جانفیدا |
| وەو ئەولیایان ساف و بێ ڕیا | خالس و موخلس فناءُ في الله |
| جاری بۆ ئەمتار، ڕەحمەتی واران | کەرەم ڕێزان کەی چون هەردەیی جاران |
| دیسان سەر جە نۆ، جاری بۆ سەیلات | خوزرا بۆ کەژ و سەحرا و سەر بیسات |
| زومرەی حەیوانات وە تۆ مەنازان | ڕەزاق هەر تۆنی ڕزقیش مەوازان |
| ڕەحم کەری پەی عام، ڕەحمان و ڕەحیم | عادل و مەعدەل، ڕەزاق و قەسیم |
| وە کەردەی مەخلووق نەحس و بەدکردار | عاسی و عوسیانبار، شووم و شەرمەزار |
| نەیەری جەزای عەبدی ڕووسیاهـ | مەردوود و موزنب، مەلعوونی گومڕاهـ |
| غَفّار الذنوب هەر تۆی پەنامان | غەیر جە قاپی تۆ نیەن ڕجامان |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse