فەسڵی پایز

←

فەسڵی پایز (1950)
by قانع

→

307299فەسڵی پایز1950قانع

ئەی وەتەن پاییز بەخێر بێ، چونکە ئێستا باومە	گەرم و ساردی فەسڵەکەت عەینەن دڵەی شێواومە
باڕەشت ئاهی دەروون و هەورت هەر وەک چاومە	نمنمی باران ئەبارێ وەک تکەی زووخاومە
شاخ و داخی تۆ نموونەی جەرگی هەڵقرچاومە
گێژەڵووکەی سەر ملانت وەک هەناسەی پڕگرین	تەم لە سەر کوێستانەکانت دووکەڵی قەلبی حەزین
ساردی ئەشکەوت و موغارت وەک دەروونی پڕبرین	پووشی وشکی دەشتەکانت بەندی جەرگی ئاگرین
بەرگەڕێزانی درەختت عومرەکەی فەوتاومە
ئەی وەتەن با پێکەوە هەڵکەینە سەر گریان و زار	تۆ لەبۆ گەنجانی لادێ و من لەبۆ لاوانی شار
تۆ لە داخی هەڵپەڕین و من لە داخی عوود و تار	ئەشکی خوێنین دابڕێژین هەروەکوو هەوری بەهار
گەر حەیام بێ خوێنی جەرگم شەربەت و شەکراومە
ئەی وەتەن کوا نەعرەتە و نرکە و گوڕەی شێرانەکەت	کوانێ قانوون و نیزام و دەبدەبەی بابانەکەت
بۆچی ون بوو عیلم و عەقڵ و سەنعەت و عیرفانەکەت	جاهل و مادوونی خەڵکن سەربەسەر خێزانەکەت
ئەی وەتەن سا گوێ گرە لەم شیوەنە لێشاومە
ئەی وەتەن هێندێ بەناوی تۆیەوە جاسووسی تام	ئەی وەتەن بەعزێ لە داخی تۆیە بوو بە پەندی عام
فیکری خۆمت بۆ بەیان کەم موختەسەر ئاخرکەلام	شەرتە تا تۆ بی حەرام بێ زیارەتی «بيت الحرام»
شارەزوور جێی سەعی و مەروە و سەفا و پڕتاومە
ئەی وەتەن خۆ من بەناحەق سەرکز و ئاوارە نیم	ڕۆڵەکەی خۆتم بە پاکی، دوژمن و خوێنخوارە نیم
من کە ڕۆلەی کوردستانم وەحشی و پەتیارە نیم	وا مەزانە کەوتە ڕۆژی خۆی، وەها بێکارە نیم
سەیری مەغزی دوژمنت کە تێکەلی خوێناومە
هۆزی کورد یاخوا نەمێنم بۆ هەناسەی سەردتان	بۆ خەم و ئاهی دەروون و بۆ دڵەی پڕدەردتان
بۆ لچی وشک و بەبار و ڕەنگ و ڕوومای زەردتان	دوور لە خۆی بێشوێنە مەجنوون هەر لە شاخ و هەردتان
شیوەنم سەرمەشقە کوردە بۆ وەتەن کێشاومە
ئەی وەتەن تۆ مەملەکەت بووی کەی وەها وێرانە بووی؟	کەی ئەسیر و ژێرچەپۆکی دوژمن و بێگانە بووی!
بەینی بەینەڵڵا وەتەن هەر تا کە بووی مەردانە بووی!	عەسری پێشوو بێشەڵانی کۆمەڵی شێرانە بووی
من کە ناڕۆم خۆشی عەسری ئاردەڵانت داومە
ئەی وەتەن ناوبردنت بۆ من یەقین شێتانەیە	شێرەکەت بۆ پارە ئیمرۆ خادمی بێگانەیە
من کە بێپارەم دووسەد کۆشش بکەم ئەفسانەیە	ئەی وەتەن خەڵقی ئەڵین پێم «قانعی» دێوانەیە
ئەی خوا چی بکەم لەبۆ ئەم میللەتە فەوتاومە

This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:

It is an anonymous work or pseudonymous work and 50 years have passed since the year of its publication
It is a work where the copyright holder is a legal entity or a work of applied art and 50 years have passed since the year of its publication
It is a photographic or cinematic work that is not compositive (artistic in nature) first published before 1 January 1999
It is work published in Iraq before 1 January 1954, and the author died before 1 January 1979
It is another kind of work, and 50 years have passed since the year of death of the author (or last-surviving author)
It is one of "collections of official documents, such as texts of international laws, regulations and agreements, judicial judgements and various official documents."
It is the work of a body corporate, public or private, published by January 1st, 1980 (Article 20, 1971 law).