فەسڵی بەهار
Jump to navigation
Jump to search
| ئەی وەتەن! دیسان بەهارە و ئارەزووی سەیرانمە | مەیلی هاژەی قەڵبەزەی بەفراوی کوێستانانمە |
| ئیشتیهای بۆنی گول و گوڵ سۆسەن و ڕێحانمە | ئارەزووی سەرکەوتنی لاوانی کوردەستانمە |
| گەرچی بۆ جەهل و نەزانین، شۆڕش و گریانمە | |
| ئیشتیهای سروەی نەسیمی سوبحی سەر کۆسار ئەکەم | سەیری خاڵی ئاڵ و واڵی ئاهوویی تاتار ئەکەم |
| ئەی وەتەن وەختم بە یادی تۆیەوە ئیمرار ئەکەم | بیر لە ئەییامی زەمانەی زەندی و قاجار ئەکەم |
| دەردەکەم دەردێ گرانە و دەردی بێ دەرمانمە | |
| ئەی وەتەن! باخچەی تەبیعیت کافییە بۆ جەننەتم | مەنزەرەی سوبحی جەمالت شافییە بۆ میحنەتم |
| تۆ پزیشکی دەردی دڵمی بۆیە ڕوو لە سیححەتم | لا ئەبا بۆنی وەنەوشەی چیمەنت سەد عیللەتم |
| لێوبەبار و دەستەئەژنۆ سەرکزی کوردانمە | |
| ئەی وەتەن! بەرلین بە نۆکەر سۆسەن و نەسرینی تۆ! | لۆندەن و پاریس فیدات بن بۆ هەوای شیرینی تۆ! |
| کەی قەڵەم تەحریر ئەکا شەرحی گوڵی ڕەنگینی تۆ؟ | بۆنی عەتری خستە دنیا نەرگسی نوورینی تۆ |
| ڕەببی ئاوا بێ وەتەن، چون «جنة العدنان»مە | |
| هۆزی کورد ئەمڕۆ بەهارە! کەی بەهاری ئێمەیە؟ | کەی وەتەن گوڵزار و باخ و لالەزاری ئێمەیە؟ |
| کەی سلێمانی و هەڵەبجە و کۆیە شاری ئێمەیە | خۆرنشین ڕەنگ زەردە، گۆیژە دەردەداری ئێمەیە! |
| کوێر نەبووم، ئەیلوولە تانەی سەرپەڕەی چاوانمە | |
| قەسری قاجارە لە جەرگم زامی سەختی کارییە | بۆ براکانی شیمالم ئەشکی ئاڵم جارییە |
| ڕۆڵەڕۆمە بۆ شوکاک و کار و پیشەم زارییە | سووری خوێنی لوڕ لە هەوری ئاسمانا دیارییە |
| ڕۆژی ئەمڕۆ یادی ڕۆژی وەیسە و پیرانمە | |
| دوێ لە قەبرا نەوجوانێ تازە نەوخەت هاتە دەر | ئاوڕێکی دا، نواڕی بۆ سەراسەر دەشت و دەر |
| نەعرەتەی پێکا و بە دوو دەس دای لە سینە و تەپڵی سەر | بۆ چی وا پاشکەوتووە کوردی دلێری پڕ هونەر |
| ئەم ولاتە بێکەسە کەی خاکەکەی جارانمە؟ | |
| ئەی وەتەن! بۆ شەوق و زەوقی، ئیشی بێ ئەولادییە | بێستوون بێ نازە ئەمڕۆ، کاری بێ فەرهادییە |
| ڕەببی خوسرەو کوێر و کەڕ بێ وا لەسەر بێدادییە | بۆ هەموو کەس دەورە دەورەی حوڕڕی و ئازادییە |
| ئەی خوا تا کەی ئەسیریی خەلعەتی نیشتمانمە؟ | |
| ساقیا! سا دەی بە یادی چاوی دولبەر بێنە مەی | بۆ فەرەج تێکە لە سەر یەک بێرە گەردش پەی بە پەی |
| قەت مەخۆ ئێشی زەمانە، بیر کەرۆ کوا تاجی کەی؟ | کوانێ گورزی قارەمان و دەبدەبەی شێرانی ڕەی؟ |
| «قانعا» ئەمڕۆ و سبەینێ نەوبەتی گۆڕانمە | |
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse