عیلاجی دەردی ئیشقی خونچەی لێوی شەککەرباری
Jump to navigation
Jump to search
| عیلاجی دەردی ئیشقی خونچەی لێوی شەککەرباری | گوڵ و شەککەر دەبارێنێ بە حەققەت نوتقی گوفتاری |
| فەلەک زانی کە دەشکێ ڕەونەقی بازاڕی مانگ و خۆر | شکاندی پەنجەکەم تا من نەنووسم وەسفی ڕوخساری |
| بە غەمزەی نیم نیگاهی سەد دڵی بێچارە مەحبووسە | لە بابل خوێندوویە ئەفسوون دوو چاوی بیچووە عەییاری |
| بە شوعلەی شەمعی ڕوخساری دەسووتێ دڵ وەکوو قەقنەس | وتم پەروانەیە، یاڕەب نییە وا بانگ و هاواری |
| وەکوو یوسف ئەگەرچی موشتەری وەستاوە سەف دەر سەف | وەکوو تاهیر نییە ئەمڕۆ بە جان و دڵ خەریداری |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse