عجب کار دی ستا د شونډو
Jump to navigation
Jump to search
عجب کار دی ستا د شونډو
ښه روګار دی ستا د شونډو
پرې پنډو دی د ځوانانو
څه دربار دی ستا د شونډو
په کالونو له ما نه ځي
بد خمار دی ستا د شونډو
لکه ستا زلفيني، زړه مې
په کنار دی ستا د شونډو
د يمن يا قوت آبدار دي
که آبدار دی ستا د شونډو
په صورت کې مې ځان څه دی؟
يو ياد ګار دی ستا د شونډو
په هجران کې سرې سرې اوښکې
دا نثار دی ستا د شونډو
ځکه ځان هسې عزيز دی
پرې ګوزار دی ستا د شونډو
چې د خضر ترې مايه ده
چشمه سار دی ستا د شونډو
ځان يې ستا له شونډو پايي
شرمسار دی ستا د شونډو
د خوشال خټک په زړه کې
انتظار دی ستا د شونډو
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse