شەو شەمعی نیا شەورای شەماران
Jump to navigation
Jump to search
| شەو شەمعی نیا شەورای شەماران | ناگا نامەحرەم وا دا وە یاران |
| تەفەڕوج پەی تیپ توغرای حیتاران | سەف سەف چی سەر سان سپای سەرداران |
| زیوەش کەرد وەبان نارنجی ناران | بدەری ژە ڕوی ئەو برچ مەدێ جاران |
| خاسە خانمێ ژە خزمەتکاران | حووراسا ژە تیپ حووری حەساران |
| تاس و ماس و مشک ماسی مەتاران | ئاوەرد پەی سەرشووڕ شای سەر قەتاران |
| گرد گوڵچینی، عەتر عەتاران | ڕێزنا ئەرپای ڕەعنا نازاران |
| گوڵاوپاشیی چەتر پارچەی ئەڵواران | مەر شیرین نە حەوز هەرسین هەر جاران |
| شستشووی شعرییەن شەوق چی ستاران | مەر لەولا پل پێچ تویلک چناران |
| ڕووشنی شوعای شوڵەی سمساران | مەر نە شەوسان دارای بن داران |
| بەسر چوی جەیران لە مەرغزاران | نەعووزەن پەی نەزم نمازگوزاران |
| شەفینش شەفای دەرد بێماران | ئیعجازش ئەنوار مەسیحا داران |
| کیانا ژە قەور مردەی مەزاران | ئەی مەسیحادەم ژە دیرە داران |
| ئایا ئیحیا کێ چەن ژەو هەزاران | کڵاو ژە گیسووی کڵاوپووس داران |
| سڕ ئەوا وەبان بیچی ئەمتاران | گەرد گوڵچینی عەتر عەتاران |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse