شەوێ لە گوێ شەتی بەغدا، خەیاڵی کوردم ئەکرد

←

شەوێ لە گوێ شەتی بەغدا، خەیاڵی کوردم ئەکرد (1950)
by پیرەمێرد

→

305996شەوێ لە گوێ شەتی بەغدا، خەیاڵی کوردم ئەکرد1950پیرەمێرد

شەوێ لە گوێ شەتی بەغدا، خەیاڵی کوردم ئەکرد	گەلێ لە گەل بەجێ مابووم، دەستوبردم ئەکرد
بە باڵی شیعر و خەیاڵ کەوتمە پەلە و تەک و تاز	لە ئاسمانی سەرەفرازی، بە جارێک کەوتمە پەرواز
فەزای ئومێدم ئەدی، بێنهایەت ڕۆشن، ساف	تلووعی تالعی کورد، بوبووە نووری پەردەشکاف
کە دیم دەوڵەتی تازەی، شوێن دەوڵەتی عەباسی	منیش ئەکەوتمە خولیا، خولیای لالەعەباسی
خەتی حدودم کێشا لە خاکی ڕۆم و عەجەم	بە پانی فەیلی و لوڕ و زەهاویشم دابووە دەم
لە ڕاستەوە سابڵاغ بوو هەتا خەتی حەکاری	لەبەر تەماسی شیمال لازمە هەتا «چاری»
کە ڕاست و چاپ ئەمە بێ، ڕوو لە ڕۆژهەڵات بڕۆ	هەموو قەومی خۆمانن، ڕەنجەڕۆن و سەرەڕۆ
ئومێدی زۆر بە کوردی موکریانە، دیندارن	بەڵام لە دەست گەڕی زاڵم کەساس و غەمبارن
ئەلکتریک لە بەرانانەوە هەتا گۆیژە	تەلی بە سەر شارا ڕاکێشرابوو بەبێ پەیژە
لە ڕاستی تەختی سلێمانی، چوار پێنج ئەوەندەی مانگ	گڵۆپی نوور دەروژوور ڕووناک ئەکاتەوە تا بانگ
تەرەسوداتی تلسکۆبی سەر عومەرگدرون	لە پێش قوللەی ئیڤل بۆی لواوە کەشفی شئوون
لە سەرچنارەوە تا تانجەڕۆ، لە ڕیزی چەم	بوخاری ماکینە ڕووی ئاسمانی کردووە بە تەم
لە «گوڵپ» ەوە چەمی «خواجایی» هەتا «شنروێ»	بەپێی تەبیعەتی بەگزادە «مونتکارلۆ» ی ئەوێ
بە تاڤگەی سەری زەڵم بۆچی نەڵێم نیاگارە	ئەوەند بەفەیزە، پڕیشکی کەفی گوهەربارە
ئەساسی مەرکەزی تەیارەخانە لای خورماڵ	مواسڵاتی لەگەڵ ئەورووپا ئەکات ئیکماڵ
تونێل بە ناو گۆیژە و تاریدەرا وەکوو توروس	خەتی شەمەندەفەری پێ گەییە ناو خاکی ڕووس
دەماری مەعدەنی ئاڵتونی شاری عەواڵان	تجارەتی هەموو دنیا، کیش ئەکا بە تاڵان
بۆری نەوتی سپیمان گەیشتە بەحری سپی	شکستی خوارد ئەمریکا کە بیری نەوتی تەپی
لە گۆیژەوە سەرکەوە بۆ ئەزمڕ هەتا قەیوان	بەڕیزە ئوتێل و ئەیوانی گەیوەتە کەیوان
ئەمانە من بە خەیاڵ، یا بە خەو کەوا ئەمدی	هیوام بەخوایە بۆ کورد بەڕاستی بێنێتە دی
بە فەیزێتی سابتە، هەولێر، دێبەگە و مەخموور	ڕەواجی دەغڵی پێسەی بلادی خستە فتوور
هەموو تجارەتی ئەزمیر تەنها بە هەنجیرە	ئەوەندە زۆرە، ئەترشێ و فڕێی ئەدەن لێرە
خەڵووزی ماوەت، ئەڵماسی مۆمیای دەوری خاوێ	ئەمانە بێنە بڕەو مەعدەنی تری ناوێ
سەهۆڵی پیری موبارەک، بۆمانتیی سەر قەندیل	دەماری نەوت یەک بگرن ئەبێتە ڕووباری نیل
داری میوەی بەرداری، داری کەرستەی بەرزی	چەوەندەر و گێزەری لەگەڵ سێوی بن ئەرزی
گەزۆ، بنێشت، کەتیرە، سمۆرە، ڕێوی، دەڵەک	بەراز و گورگ و چەقەڵ، ئاسک و پڵنگی بەڵەک
ترێ و هەنار و بەهێ، قۆخ، هەڵووژە، سێو، گێلاس	کەما، چنوور، بەڕەزا، کاشمە و قارچک و ڕێواس
بە قووەتی ئەمەوە ویسعەتی قەریحەم بوو	لە خاکی ڕۆم و عەجەم گەیشتمە مەتڵەبی زوو
وەختێ لەوێ هاتمەوە ڕووم کردە دیجلە و بەغدا	کەچی خیلافی ئەمەل موشکلات ئەبوو پەیدا
وەکوو سەدای بێگانە جۆششی ئاوی دیجلە	بە عارەبی بانگی کرد وتی: لاتجی وحلە
وەختێ چاوم هەڵبڕی لۆزندەرێکی لنگ ڕووت	بە یایابە ڕووی کردە من و عەتابەی ئەوت
تەمای بوو بێتە سەرم، تۆپزی لە دەس ئاڵان	چاوی کەوت بە خەنجەری کوردی ڕایکرد تێی تەقان

This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:

It is an anonymous work or pseudonymous work and 50 years have passed since the year of its publication
It is a work where the copyright holder is a legal entity or a work of applied art and 50 years have passed since the year of its publication
It is a photographic or cinematic work that is not compositive (artistic in nature) first published before 1 January 1999
It is work published in Iraq before 1 January 1954, and the author died before 1 January 1979
It is another kind of work, and 50 years have passed since the year of death of the author (or last-surviving author)
It is one of "collections of official documents, such as texts of international laws, regulations and agreements, judicial judgements and various official documents."
It is the work of a body corporate, public or private, published by January 1st, 1980 (Article 20, 1971 law).