شەماڵ یار نەدیت شەماڵ یار نەدیت
Jump to navigation
Jump to search
| شەماڵ یار نەدیت، شەماڵ یار نەدیت؟ | وەختێ تۆ ئامای، دیدەی یار نەدیت؟ |
| ئەو دیدەی سەیوان پڕ خومار نەدیت؟ | ئەو تووڕەی چین چین سیامار نەدیت؟ |
| دڵدار دڵبەر، ستەمکار نەدیت؟ | ئاهووی خوتەنی وەش ڕەفتار نەدیت؟ |
| ئەو پەنجەی قرمز، حەنایی نەدیت؟ | ئەو نوور دیدەی، بینایی نەدیت؟ |
| گوڵڕووی گوڵچیهرەی، گوڵئەندام نەدیت؟ | سۆسەنی کڵاف موشکین فام نەدیت؟ |
| لۆلۆی ناسوفتەی هیچ ئەڵماس نەدیت؟ | کان یاقووتی بێ قیاس نەدیت؟ |
| لیمۆی نەوڕسەی مەمانش نەدیت؟ | ئەبرۆی سەیف ئاسای کەمانش نەدیت؟ |
| سینەی سیم بەور پەروەردش نەدیت؟ | خونچەی نەشکوفتەی بێ گەردش نەدیت؟ |
| باڵای عەرعەری سەرو ئاسا نەدیت؟ | شۆخ دیدە شەنگ بێ وەفا نەدیت؟ |
| شاباز مەریوان، هەڵۆ خوو نەدیت؟ | نازدار خێڵان، فیتنەجوو نەدیت؟ |
| نەدیت تۆ بەیۆ بە عیشوە و نازێ؟ | بپەرسۆ ئەحواڵ، من لە ڕێوازێ؟ |
| تەحقێق بۆ شەماڵ ئەو شۆخ و شەنگە | نەدیدەی شاباز ئەو دڵ چوون سەنگە |
| هیچ نیەن وە تەنگ مەینەت بەردەکەش | بێ قەیدەن نە حاڵ سوختەی دەردەکەش |
| یاشا، هەر یارێ بێ وەفا و مەیلەن | دەروون وە بادەی بێ مەیلی کەیلەن |
| دایم گرفتار ئاهـ عوشاق بۆ | نەسیبش دایم تاڵ فیراق بۆ |
| بە وێنەی تاهیر هەر دەردەدار بۆ | دیدەی مەخموورش دایم بیمار بۆ |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse