شەماڵ لە بەختم
Jump to navigation
Jump to search
| شەماڵ لە بەختم ... | شەماڵ سا بەیۆ ئیمشەو لە بەختم |
| ئیمشەو دڵسۆز بە باوە سەروەختم | وە ناسۆر کەفتەی زامانی سەختم |
| ئیمشەو با وە سەیر زامانی کاریم | گۆش دەر وە ناڵەی دەروون ئەوگاریم |
| بای و بوینە تو حاڵەکەی من | بۆی کزەی دەروون زووخاڵەکەی من |
| فیدای سروەت بام پەیکی سەحەر خێز | ئیمشەو چەمانت بکەر سورمەڕێز |
| هۆرێزۆ ئیمشەو جە وادەی سەحەر | وێت عەبیرین کەر وە عەتر و عەمبەر |
| بویەر وە تاجیل نە سەر کۆساران | مەکەر وە درەنگ تۆ جە دیاران |
| تا مەیۆ وە ڕات کۆسار و هەردێ | هەردێوەن هەواش دەوای گشت دەردێ |
| نە تۆی ئەو هەردا مەوینی وە چەم | هەواری سەفاش چون باغچەی ئیرەم |
| هەر وەخت تۆ یاوای وەو شوێن هەوارە | خێڵ خانەی قیبلەم وە نیت دیارە |
| بویەر یەک یەک جە سیاماڵان | سەرحەد نشین شای ماوی خاڵان |
| وێش چون دەلیلەی غەزال چینەن | دایم چون ئاهوو سەرحەد نشینەن |
| نە بەرز هەوارێ خەیمەش پا کەردەن | وێش وێنەی ئاهوو مایل وە هەردەن |
| بکەر زیارەت دەوری یانەکەش | چون کەعبەن جە لای من ئاسانەکەش |
| جە دومای ئەرکان تەوافی یانەش | بویەر جە مابەین پەردەی ئاسانەش |
| بشۆ وە خزمەت ئەو نەونەمامە | ئەو تەرلان تەواو قومری خەرامە |
| واچە قیبلەکەم سەوڵی سەمەن بەر | باڵاگێڕت بۆ وڵگەی هەفت کیشوەر |
| من کیانان وە لات زامارەکەی وێت | وە کزەی هیجران ئەوگارەکەی وێت |
| عەرزش هەن جە لات ئەر پرسەن ئەحواڵ | وە شەرای دووری بیەن وە زووخاڵ |
| نەمەندەن تاقەت تواناش نیەن | هۆش و عەقڵ و فام، جە لاش بەرشیەن |
| نە قووەی ڕەفتار هێزی ئاماشەن | نە سەور و سکوون نیشتەنی جاشەن |
| ساتۆ وە کەرەم دڵنەوازیش کەر | جە ڕاگەی هیممەت دەوا سازیش کەر |
| تای نە ئەو توڕەی سیای عەمبەر بۆ | بکیانوی پەرێش بەل وە دەواش بۆ |
| تواناش مەبۆ ئەو جە ئیشارەت | مەیۆ ئاسانەت مەدۆ زیارەت |
| جە دوور بوینۆ یانەکەت وە چەم | وە وێنەی مینە شاد مەبۆ بێخەم |
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse