شەرابی دووبارە

←

شەرابی دووبارە (1950)
by پیرەمێرد

→

306108شەرابی دووبارە1950پیرەمێرد

لە کاتی خۆیا مامۆستا تۆفیق وەهبی نامەیەکی ناردووە بۆ پیرەمێرد لەبارەی قافیەی شیعرەوە بەتایبەتی شیعری کوردی. پیرەمێردیش بەم هەڵبەستەی خوارەوە وەرامی داوەتەوە:

کێ دەڵێ کوردیی قافیەی خۆی نییە	کە ئەمەیان دی ئەوە خۆی نییە
ئامان چەند خۆشە تافی جوانی	خۆزگە خوا بیدا، جوانی و نەوجوانی
بە هەرزەکاریم کە باوکم ساغ بوو	هەرزەکەریمان لەلا یاساغ بوو
ڕەز و خانوومان بوو لە گورگەدەر	گورگانەشەوێم ئەکرد بێ کەدەر
هاوینان کۆچمان ئەکرد بۆ ئەوێ	ڕامانئەسپارد: وڵاغمان ئەوێ
ورد و درشتیان ئەهاتنە شوێنمان	لەو دیارەوە دیار ئەبوو شوێنمان
ئەکەوتینە ڕێ بە ڕیزە و قەتار	بە سۆزی شمشاڵ، بە بەستە و قەتار
لە سەری گۆیژە هەڵپەرکێ و سەما	سەیریان ئەکردین فریشتەی سەما
لەو بەندەنەدا چۆپی و دەستبەندی	لەو دەربەنەدا بە ناو دەربەندی
لەو بەرزییەدا ئاوازەی شایی	بەرزتر لە تەپڵ و ئاوازەی شایی
لەبەر ئاوایی تفەنگ ئەتەقی	ئاوایی دڵی بەدکار ئەتەقی
ساڵێک ئیجارەی کردبوو دەسدارێ	دەسدار دەس بەدار، خەڵک دەس بەردارێ
هاتبوون زەوی خەڵکیان ئەخەسان	نەوەک ڕەز خێویان وەک خێو ئەخەسان
بێوەژنێک بوو ناوی پەروەر بوو	چوار هەتیوی بوو، هەتیوپەروەر بوو
کاری هاتبووە سەر کرێکاری	دەستی بەسترابوو بە گرێی کاری
مێردی ئەو ژنە ڕەزی ناشتبوو	تا هاتبووە بەر خۆیان ناشتبوو
ڕەزێکی وێران لە خوار ئاوایی	ڕەنگی گەڵای زەرد وەک خۆرئاوایی
ڕەزخەسێنێکی لای خۆی دانابوو	چواربار دەیەکی لەسەر دانا بوو
پەروەریان هێنا بە پەل ڕاکێشان	نیوحوقە ترێی نەبوو بە کێشان
زۆردار گاڵی دا زۆری تێهەڵڵا	بە ناچار کردیە گریان و هەڵڵا
ڕایکرد خۆی خستە قسنی خەرگەڕەش	زۆردار دەسبەجێ کەوتە ڕۆژی ڕەش
تیری پەنهانی جەرگی بڕیبوو	بۆ ئەوە دنیا لەپڕ بەری بوو
خوا وای لێکردن وا ئەو نەوەیە	هێند کز و ماتن نە دەنگ، نە وەیە
جەوری ستەمکار ئاهی لە دوایە	زۆر دەوری دوایی کاری لە دوایە

1948/06/10

This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:

It is an anonymous work or pseudonymous work and 50 years have passed since the year of its publication
It is a work where the copyright holder is a legal entity or a work of applied art and 50 years have passed since the year of its publication
It is a photographic or cinematic work that is not compositive (artistic in nature) first published before 1 January 1999
It is work published in Iraq before 1 January 1954, and the author died before 1 January 1979
It is another kind of work, and 50 years have passed since the year of death of the author (or last-surviving author)
It is one of "collections of official documents, such as texts of international laws, regulations and agreements, judicial judgements and various official documents."
It is the work of a body corporate, public or private, published by January 1st, 1980 (Article 20, 1971 law).