شێری کورد
Jump to navigation
Jump to search
| بەخێر بێیتەوە سەر هەردوو چاوان تاقە قارەمان | ئەی تێکۆشەر و ئازا و بەجەرگ، شێری کوردستان |
| دڵم بەڕەوڕووی پیریەتی ئەڕۆی، بێزار بوو لە خۆی | بە زوڵم و زۆری چینی زۆرداران شکا پەلوپۆی |
| بەڵام کە کاتێ مژدەیان دامێ وەکوو پەیامێ | بە هاتنەوەت دڵم گەشاوە چەشنی ئیلهامێ |
| ئیلهامێک دڵم جوان بکاتەوە هەر لەو کاتەوە | مژدەیان هێنا بۆ کوردەواری تۆ گەڕایتەوە |
| گەڕانەوەکەت کاری کردە دڵ وەکوو بۆنی گوڵ | دڵی مەست کردم وەک بولبول مەست کا لەسەر پۆپەی چڵ |
| بە هەستی بۆنی ئەو گوڵە جوانە خێرا شێتانە | دەست کا بە سۆزی ئاوازی شادی لەو سەر چڵانە |
| هەروەها دڵم کەوتە گۆرانی شێوەی سۆرانی | یان لەپڕ ئەیکرد بە سیاچەمانە یان بادینانی |
| ئیتر لە تاوا خۆ نەیئەزانی بەبێ پەنهانی | کام شێوەی کوردی بکات بە ئاواز بە شادمانی |
| ئەویش لە خۆشیی هاتنەوەی تۆ هەموو خەم و سۆ | لە دڵی هەموو کوردان چووە دەر چونکە تا ئەمڕۆ |
| خەفەتی زۆرمان هەر دووریی تۆ بوو دڵمان پڕ سۆ بوو | وا ئەو پەژارەی کورد و کوردستان وەک کا بەبا چوو |
| ئێستاکە جەژنە، جەژنی گەلی کورد، نەوەی مادی کورد | جەژنی ئەوانەی قوربانییان دا و هەر خەباتیان کرد |
| بۆ گەیشتنە ڕۆژی ئازادی بە نامورادی | زۆر گەنج و پیر و مناڵ و ساوا لە نەوەی مادی |
| لە ڕێی خەباتا خوێناویان ڕێژا، ئازاریان چێژا | هەرگیز نەبەزان، قەت کۆڵیان نەدا، دارێکیان نێژا |
| ناویان نا داری ئازادی، ڕوا، بە خوێن ئاو درا | ئەوەن بەتین بوو بە تەوری زۆردار قەت نەئەبڕا |
| گوڵی ئەو دارە بۆ کورد ئاوات بوو، دیاریی خەبات بوو | تۆزە بۆنێکی بۆ ئازادیخواهـ وەکوو خەڵات بوو |
| لە مانگی تەمووز، ڕۆژی چواردەمین تیشکێکی بەتین | گوڵەکەی پشکوان، ئاوات هاتە دی، نەما گریە و شین |
| هەموو سەربەست و ئازادین ئێستا، ژێردەستی نەما | لاشەی زۆرداران هەر بە دەستی گەل وردوخاش کرا |
| سەدای ئازادیی گەلی شادمان گەییە کەشکەشان | ترس و خۆف نەما، ماف بە ئاشکرا خۆی ئەدا پیشان |
| تۆش وێڵی دەستی مام ئیستعمار بووی یا هیی زۆردار بووی | ئێمەت بەجێهێشت دوور کەوتیتەوە چونکە ناچار بووی |
| بەڵام بەهۆی جەژنە شادییە کە ئازادییە | ئیمپریالیست و زۆردار تۆپێنران سەرفرازییە |
| تۆی قارەمانیش هەر بەو هۆیەوە بەو بۆنەیەوە | ڕۆژی ئازادی بە تیشکی سووری وەک پشکۆیەوە |
| پەخشان بوو بەسەر ڕووی نیشتمانا، بەسەر جیهانا | گەڕایتەوە بۆ خاکی نیشتمان ئەی شێری دانا |
| بەم گەڕانەوەت بەهار هاتەوە بە ئاواتەوە | نیشتمان وەک بووک خۆی ڕازاندەوە لە ئەو ساتەوە |
| گەلی عەبدولکەریمی ئازادی تێکۆشەر وەکوو شێری نەڕ | گەلی عێراقی خستە بەهەشتێک، بەهەشتی هونەر |
| هونەری سەربەستی، ئازادیی ژیان، کامی دڵ و گیان | فەوتانی زوڵم و ڕزگارکردنی گەل و نیشتمان |
| هەر بەو هۆیەوە لە وڵاتەوە دوور نەمایتەوە | بەخێر بێیتەوە گەورەی خۆشەویست وا گەڕایتەوە |
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse