شیرین کاڵانی
Jump to navigation
Jump to search
| شیرین کاڵانی، شیرین کاڵانی | شیرین تۆ مەتای شیرین کاڵانی |
| باش نازدارانی، سۆسەن خاڵانی | قامەت نەونەمام، عەرعەر باڵانی |
| شیرینەن بەژنت، شیرینەن باڵات | شیرینەن خاڵی سەر گۆنای ئاڵات |
| شیرینەن هۆشت، شیرینەن فامت | شیرینەن شێوەت، شیرینەن نامت |
| شیرینەن خەمزەت، شیرینەن نازت | شیرینەن کەلام، گفتوگۆو ڕازت |
| شیرینەن تای زوڵف سیای گرنجت | شیرین پێچ وەردەن نە دەوری زنجت |
| تۆ پی شیرینی جە پا تا وەسەر | سەر تا پات دڵ چەسپ، دڵ کێش و دڵ بەر |
| شیرین تەعریفت نمەزانوو چێش | سیماو ڕوخساریت نوور مەوارۆ لێش |
| شیرین تۆ شەمع و من پەروانەنان | شیرین تۆ پەری و من دێوانەنان |
| شیرین جە داخی بێ مەیلی تۆوە | وەختەن چوون فەرهاد وێڵ بوون بە کۆوە |
| سەیدی چوون پەی مەدح شیرینش باسەن | ڕازی شیرینش کۆتا بۆ خاسەن |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse