شیرین و خوسرەو/41
Jump to navigation
Jump to search
| ←40 | شیرین و خوسرەو (1735) by 41. پاسخ دادن شیرین خسرو را |
42→ |
| بە توندی واتش یە بێ دەستوورن | یە جە ڕەویەو ڕەسم بزورگی دوورەن |
| سا خاسەن منیچ چەنی شا بە گەرم | جە ڕوو هۆردەروون یەکسەر پەردەی شەرم |
| هەرچەند شا پەی من دەردش بێ دەوان | بە کام مەزهەبێ بێ شەرمی ڕەوان |
| عاشق مرادش، بەور دەریا دڵ | بە دەعوا و بە جەنگ نمەبۆ حاسڵ |
| شا دەرکارشەن ئیمشەو بێ ئەندێش | باوەرۆ وە زۆر من وە دەست وێش |
| کەس دۆستی بە زۆر بە کەس نەکەردەن | ئەر کەردن، خوسرەو، سەرفە نەبەردەن |
| دۆستی ئەو خاسەن جە هەر دوو سەر بۆ | یەکێ وێنەی شەهد، ئەو چون شەکەر بۆ |
| نەک یەکێ شیرین، یەکێ چون ژار بۆ | دۆستی بەی تەورە بە ژار مار بۆ |
| بەڵێ مەعلوومەن چمان بێهۆشی | پادشاهێت شی، بە عەشق مەکۆشی |
| دەست جە دەوڵەت شاهی هۆردەردەن | دوشمنان تەختت تەسەڕڕوف کەردەن |
| چێگە چەنی من تورک و تازیتەن | هەر خەیاڵ عەشق نەزەربازیتەن |
| تۆ جارێ چون شێر غوڕەندەی سەرمەست | باوەر تاج و تەخت شاهی وێت بە دەست |
| ئەوسا جەو دما شای دارا شکۆ | شرووع کەر بە عەشق نەمامان نۆ |
| وەر نە یە پەی تۆ عەیبێ عەزیمەن | تەخت خوسرەوی عەهدێ قەدیمەن |
| دەخڵش بە تۆ بۆ بەهرام چۆبین | بستانۆ چەنەت نە ڕووی سەرزەمین |
| فیدات بام لاڵپۆش موڵک مەدائین | مەواچە پووچ گۆن ئەی تار تاین |
| شای ساحێب نامووس نادیرەی ئەییام | گا دەست بە تێغەن، گاهێ دەس بە جام |
| نەک هەر مەیل بە جام بادەی دڵکەش بۆ | گروفتار بە لوول زوڵف چاو ڕەش بۆ |
| پادشاهی و تەخت وەردەرۆ جە دەست | بگێڵۆ نە پەی ڕەندان چاو مەست |
| بێ دەماخ مەبەر شای فەریدوون فەڕ | بە کێش شاهان تاج و کەمەر زەڕ |
| شاهێ بەی تەور بۆ نیکۆ بەخت نیەن | زێبەندەی تۆمار تاج و تەخت نیەن |