شیرین دیدە مەست

From Wikisource
Jump to navigation Jump to search
شیرین دیدە مەست  (1849) 
by سەیدی
شیرین دیدە مەست، شیرین دیدە مەست نازدار، نازەنین، شۆخی دیدە مەست
سا کە جە دۆسی ئێمەت کێشا دەست چەنی یارێوتەر بەینی تازەت بەست
شەرت کەردەکەی وێت نەدارات بە چەم ئێمەت شی جە یاد، یاری بەینەت کەم
ئەوەڵ بە «ئیخلاس» سەوگەندان وەردت ئاخر شەرت و بەین بەسەر نەبەردت
بە عەشقی «باوەیس»، ماڵ جە بێشە کۆ «واحِدُ القەّار» هیچکەست نازۆ
ئومیدەن فەڵەک شێونۆ نازت نیشۆ وەپای عەرش سەداو ئاوازت
زار زار بگێڵی بەسەر چەمەردا هەرساتێ جە نەو بدەی بەسەردا
هەرکەس بویەرۆ چەنی بەین بەستەش گیر دۆ چەنی زام «سیا مار» گەستەش
سەیدی سی جزمەی کەلامش وستەن بەینش ئەو بەینەن چەنی تۆش بەستەن


This work was published before January 1, 1929, and is in the public domain worldwide because the author died at least 100 years ago.