| شیرین خاڵت بام، شیرین خاڵت بام
|
فیدای دانەی موشک شیرین خاڵت بام
|
| سەرگەردی لەبان وێنەی لاڵت بام
|
قوربانی بەیان لیمۆی کاڵت بام
|
| شەیدای شێوەی ڕەند پەری سامت بام
|
دێوانەی ڕوخسار جەمین جامت بام
|
| زام زەدەی کەمان ئەبرۆی چەفتت بام
|
حەیرانی خەرام شیرین ڕەفتت بام
|
| مەخمووری دیدەی مەستی سیات بام
|
بێ هۆشی نیگای بە ناز دیات بام
|
| شیرین یە چەندەن دڵ نە زەنجیرەن
|
نە حەڵقەی تای زوڵف بەندەن، ئەسیرەن
|
| یە تاکەی دوساخ گێسووی سیاتەن
|
ئیرادەت چێشەن، چێش موددەعاتەن
|
| ئەر جە بەندی دام مەبۆ گوشادیش
|
پەنەم دەر موژدەی وەختی ئازادیش
|
| وەر عەزمت کوشتەی دڵەی مەجنوون خۆن
|
ڕەزای دڵی من چەنی ڕەزای تۆن
|
| سەیدی پەرێ عەشق چوون قەیسی سانی
|
مەردەیش وەشتەرەن جە زیندەگانی
|
