شیرین تار کەردەن
| شیرین تار کەردەن ... | یەک تایێ جە زوڵف سیاش، تار کەردەن |
| بە تارش عەقڵم تارومار کەردەن | بە پێچش کۆی خەم وەنەم بار کەردەن |
| بە شەوبۆش، بۆ عەتر دەماخم کەردەن | بە ڕەونەق ڕەنگ بەست ڕووی داخم کەردەن |
| بە باریکیش گەرد، تەنم بە ئاو دا | ئاو داش بەڕووی بەرگ بافتەی ساودا |
| بە درازیش عومر کۆتام درازەن | تا پەردەی حیجاب نەڕووی ڕاز بازەن |
| ئەو بە تایێ زوڵف سیای بۆ عەنبەر | بەند کەردەن گیانم تا بە ڕۆی مەحشەر |
| ئەر ئەو دەستەی زوڵف شەماڵ بشانۆ | گشت ئاڵەم زیندەی جاوید مەمانۆ |
|
This work was published before January 1, 1931, and is in the public domain worldwide because the author died at least 100 years ago. |