سەیری کورد بکەن چۆن ژیاوە و چۆن ئەژی
Jump to navigation
Jump to search
| بیستوومە کەوا ئافرەتێک لەسەر پێپیلکەی بان | گایەکی گرتە باوەش و سەرکەوت بەبێ وچان |
| دیارە کە ژن ئەوەندە هێزی نابێ، چۆن ئەبێ | هێندەی کە گایەک هەڵگرێ، کەی هەڵمەتی ئەبێ؟ |
| ئەو گایە گوێلکێک بوو لە پێشدا کە هەڵیەگرت | خۆی ڕۆژ بە ڕۆژ بە بردن و هێنانی فێر ئەکرد |
| هەتا گوێلک زل بوایە ژنە هێزی زۆر ئەبوو | ڕاهاتنە بە کوردی، بە بونای «سپۆرت» ئەبوو |
| پێشینانی ئێمە بە بەهاران ئەچوونە دەشت | گەورە و بچووک بە جارێک لەوێ کۆمەڵی ئەبەست |
| لایەک بە کەوشەک و شەڕەتۆپ، لایەک وردەکان | ئاشەبەتەنگورێ، بوغچە بە گەردانی، پشت لێدان |
| هێجگار کڵاوفڕێن کوڕی زۆر گورجی پێ دەوێ | نابێ بگیرێ با شەش و حەوتیشی شوێن کەوێ |
| هەرچی کەوا لەسەر قەلەمردارێ نان ئەخوا | نابێ بێڵێ تۆپەکە بەرز بێتەوە بۆ حەوا |
| ئەیگرێتەوە خراپە، ئەوان دێنە کایەوە | چوار نانە ئەو کەسەی کە بەوەستایی مایەوە |
| تەنها بە بابی بابی بۆ کەرسوار سوار ئەبوو | ئێستا کە کەرسوارییە، سوار ڕۆیی، باوی بەسەرچوو |
| ئەو بازد و هەڵبەزین و ڕاکردنی خوار و ژوور | ناوجەرگی پاک ئەکردەوە وەک ئاوێنەی بلوور |
| هەر کەوشی سوور بوو، قۆندەرە چۆن کورد لەپێی ئەکا | ئەو سنگە ڕووت و ساغە لە کوێ ماوە ئێستەکە |
| ئەو پیاوی بەم هیوایە کە بەم ڕەنگە هەڵدەکەوت | ناوی لە ناو قەڵەمڕەوی تورکانا سەردەکەوت |
| ئێستەش ئەوانەیە کە لە عیراقدا دەناسرێ | دیارە ئیتر قەت بە پاشەرۆک سەوی پڕ ناکرێ |
| ئیدمانی ئێستە هاتۆتە سەر بەزمی خواردنەوە | هەرچی کە زۆری خواردەوە باش پاڵەوان ئەوە |
| پێکێکی زیادی کرد بە سەرا ئەوسا جێبەجێ | هۆش و دەمار و پارەی بەجارێک لەکیس ئەچێ |
| ئەو جێگە یارییە خۆشە کە چیمەن بوو سەربەسەر | ئێستە لە شوشە شۆسەیە گەر پیائەکەی گوزەر |
| دایکی وەتەن ئەڵێ: کە ئەسیری زەمانە بم | بە کردەوەی بەد بە ئومێدی چی ئەمانە بم؟ |
1932
This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:
- It is an anonymous work or pseudonymous work and 50 years have passed since the year of its publication
- It is a work where the copyright holder is a legal entity or a work of applied art and 50 years have passed since the year of its publication
- It is a photographic or cinematic work that is not compositive (artistic in nature) first published before 1 January 1999
- It is work published in Iraq before 1 January 1954, and the author died before 1 January 1979
- It is another kind of work, and 50 years have passed since the year of death of the author (or last-surviving author)
- It is one of "collections of official documents, such as texts of international laws, regulations and agreements, judicial judgements and various official documents."
- It is the work of a body corporate, public or private, published by January 1st, 1980 (Article 20, 1971 law).
Public domainPublic domainfalsefalse