سەرگەشتەی چەرخی فەلەکی بێ سەر و پا خۆم

←

سەرگەشتەی چەرخی فەلەکی بێ سەر و پا خۆم (1967)
by ناتیق

→

306336سەرگەشتەی چەرخی فەلەکی بێ سەر و پا خۆم1967ناتیق

سەرگەشتەی چەرخی فەلەکی بێ سەر و پا خۆم	ئاوەرەی شام و حەلەب و حومس و حەما خۆم
پاماڵی هەم و میحنەت و هیجرانی زەمانە	موستەغرقی دەریای غەم و جەور و جەفا خۆم
پەیوەستە جگەر خەستە لە ناو ماڵی پەڕۆدا	بێ زەمزەمە و عوشرەت و بێ شەمع و چرا خۆم
ماتەم زەدەی بێ کەسی و مەوسمی مەغریب	ئاشیفتەی دەرس خوێندنی هەنگامی عیشا خۆم
سبحەینێ لەبەر نەعرەی چادرینم و یورمش	حەیران و پەرێشان و سەراسیمەیی چا خۆم
گەهێ گۆشم بە ئاوازەی نەقارەیی تەعلیم	گەهێ شیفتەی دەنگی دەهۆڵ بانگی هەوا خۆم
گەهێ پەستی سەلام هەمزە و گەهێ مەستی سەلام دوڕ	گەهێ خەستە دڵ و باخەبەری سایلەسا خۆم
ساغابەگوسولا بەگ فکری شەو و ڕۆژم	باق باقە بووەتە ویردم مەشغوڵی ئەدا خۆم
سوڵدەن چەری دون سوڕم وای بە چی نەوعێ	وەک فڕفڕە گەهـ ڕوو لەبەر و گەهـ لە قەفا خۆم
تۆپ قاڵدار و تۆپ ئەندری خستومیەتە جومبوش	وەک ورچ خەریکی تەرب و ڕەقس و سەما خۆم
دیس چۆک پەرەیان هەمهەمەی بانگی ئەیاخ قاخ	شێواندمی گاهێ لە زەمین گەهـ لە سەما خۆم
هەنگامی ئەلەر قەجەیە وەزعییەت ئاڵ ئاخ	وەک مەردە پدەر دەست بە کەمەر دەم بە سەدا خۆم
سەرسامی هەوای مۆسیقا و بوڕیەیی تەدریب	دایم لە خەیاڵ بادشەهـ و جوق یەشا خۆم
ڕۆژ تا بە عیشا توربە و یامنلینمە بارم	مانەندی کەوی کاهکەشی دەستی فەلا خۆم
تەعلیمی هەدەف نووری بەسەرمی بە فەنا دا	کوێرانە سیفەت شام و سەحەر دەست بە عەسا خۆم
وا کەشمەکەشی مانۆرە جەرگی بڕیوم	قەدی بەدەنم ڕەویوە دوچاری سزا خۆم
بێ زینەتی فەقیانە و لاپێچی نیگارین	بێ شەوکەتی سەڵتەی پەمەیی بێ شان و عەبا خۆم
بەم بەرگەوە لەبەرما کە ئەڵێی گورگی زەهاوم	دایم لە شەڕی سەگ سیفەتان ئاوڵە پا خۆم
ئەوسا بە هەوای شەوقی گوڵ و زەوقی دڵ ئەموت	سەد شوکری خوا بولبولەکەی گوڵشەنی شا خۆم
ئێستا لە شەوقی چەرخی فەلەک وێڵی ووڵاتان	ئیفتادەی بەردەگای ئوستادی جۆڵا خۆم
دایم لە جیاتی شەهد فرۆشی شەو و ڕۆژم	مەشغوڵی هەوا بەستن و هەم ڕایەڵە و تا خۆم
ترسم هەیە بۆ سوننەتی دڵ و سەبری	مانەندی سەمەندەر هەمدەمی ئاتەشی چا خۆم
بەم حاڵە پەرێشانە و بەم ڕێگە پەشێوە	پابەندی وڵاتی کۆ مەقامێکی وەها خۆم
هەرچەند کە نەزەرگەی غیلمانی بەهەشتن	هەریەکە بە ئیشارەت کە ئەڵێن حۆری لەقا خۆم
دڵ تەفرەم ئەدا کوچە و بازاڕم ئەگیرێ	چی بکەم لەدەست ئەم زاڵمە ؟ قەد نابێ ڕەها خۆم
لەش و لاری وجوودم بە حەزانی خەمی دەوران	زەرد بووە وەرەق و پەڕی بێ نەشئە و نما خۆم
ناتیق بە خوا گەر لە خوا نابێ خەلاسی	حەسرەت زەدە و غوتەوەری بەحری فەنا خۆم

This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:

It is an anonymous work or pseudonymous work and 50 years have passed since the year of its publication
It is a work where the copyright holder is a legal entity or a work of applied art and 50 years have passed since the year of its publication
It is a photographic or cinematic work that is not compositive (artistic in nature) first published before 1 January 1999
It is work published in Iraq before 1 January 1954, and the author died before 1 January 1979
It is another kind of work, and 50 years have passed since the year of death of the author (or last-surviving author)
It is one of "collections of official documents, such as texts of international laws, regulations and agreements, judicial judgements and various official documents."
It is the work of a body corporate, public or private, published by January 1st, 1980 (Article 20, 1971 law).