| سەرو ساوەوە ...
|
دو گوڵ ها وە سەدر سەرو ساوەوە
|
| سەروئاسا سەودای ها وە هەواوە
|
سەودام وەو دو گوڵ عەرعەر مەواوە
|
| سەرم سەرسام کەرد کڵاس سەر ڕەم
|
مادەی مدەوەرەی گەرد گوڵ وە دەم
|
| سەحەرگا ماما وەو ئەساسەوە
|
وەو دو مەردومەک مدەوەر ماسەوە
|
| لوام ئیلحاحم کەرد وەو کول دەردەوە
|
لاڵام وە لاڵکەی ئاح سەردەوە
|
| سەمع دا وە سدام، ڕەحم ئاوەردەوە
|
سواڵم وە لەعل لولو کەردەوە
|
| ئەوسا وەو کەلام گەوهەروارەوە
|
مەرهەم دا وەو دەرد دەردەدارەوە
|
| میهر مانگ سومای میهر ئاڵاوە
|
سومای میهر و مانگ هەردو ئاڵاوە
|
| دڵ وە وەسواسە دڵارامەوە
|
گاگا مەمردم گا مامامەوە
|
| ئەرواح ڕوو ئەلا ڕووحم ڕەماوە
|
گوڕاگوڕ دوودەی دەردم دەماوە
|
