سەردار سپای بێ وەفا و مەیلان
Jump to navigation
Jump to search
| سەردار سپای بێ وەفا و مەیلان! | سالار گرۆی دڵ جەقین کەیلان |
| پەی چێش، پەی ڕەقیب جەمن و یەردی؟ | تەرک دووستی سەدساڵە کەردی |
| ناوەردت وەچەم جەفای سەد ساڵەم | نەکەردت وەیاد دەورەکەی تاڵەم |
| من کێشام جەفای بێ سامان تۆ | ئەو پێکا پەنجە وەدامان تۆ |
| من وێنەی بۆڵبۆڵ ناڵام و دەم دەرد | ئەو چۆن باغەبان خۆنچەی وەسڵت بەرد |
| من خار دووریم وەدیدە بەردەن | ئەو تەماشای گوڵ جەماڵت کەردەن |
| من بیم وە مەجنوون بیدی لۆنگ وەکوڵ | ئەو بی نەردەگای لوتف تۆ مەقبووڵ |
| من فەرهادئاسا کۆکەنیم کەردەن | ئەو بادەی نێگای شیرینت وەردەن |
| من بیم ئاوارەی کۆی عێش وەو نازت | ئەو بی وە مەحرەم ڕاز و نیازت |
| من بێ بەهرە بیم جەنیگای خاڵت | ئەو بی وەهام فەرد بەزم جەماڵت |
| من وێم وەسەنعان تۆم وە تەرسا کەرد | کفر و مۆبەتم و مەجلێس ئاوەرد |
| یەند سزام کێشا پەنەش نەزانای | دەرسێ و مۆبەت دڵم نەوانای |
| دەی تر مەحاڵەن دڵداریت کەروون | شەرت بۆ شکایت وەلای حەق بەروون |
| بەڵکم خوداوەند کەرۆ دیوانم | چەنەت بسانۆ سزای زامانم |
| بەڵکم ئێنتێقام بسانۆ چەنیت | قەزاو بەڵای سەخت بوارۆ پەرێت |
| تۆیچ بە وێنەی من گیرودە دام بی | مۆبتەلای فێراق دۆس ناکام بی |
| سەراپا هونین دووری یاران بی | نۆقتەی داییرەی دەردەداران بی |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse