ساقی ناڵەی نەی
Jump to navigation
Jump to search
| ساقی ناڵەی نەی ... | ناڵەم زگارەن، وێنەی ناڵەی نەی |
| جەرگم کەبابەن، ڕەنگ زایف چوون بەی | پەی چێش؟ پەی نۆشای جورعەی جامی مەی |
| با وەس بناڵۆ دڵ بە جەفای زام | با سەرنگوون بۆ سوراحی نە جام |
| مەی گوڵ خونچە ڕەنگ، حەمرا چوون شەفەق | ساقی بێ مەی مەست، جەمین پڕ عەرەق |
| پێم دەرە جامێ وێنەی جامی مەی | تا مەر ساکن بۆ دڵ جە باری خەم |
| جامێ مەی بە دەست، نۆشانۆشم بۆ | قەهقەهەی مینا با نە گۆشم بۆ |
| بنۆشوو جامێ پێم یاوۆ مەستی | بێزار بۆ جە دین دنیا پەرەستی |
| با پڕ بۆ جە مەی سوراحی و جامم | چەندێ بگێڵۆ دنیا بە کامم |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse