زڵێخام تەتار
Jump to navigation
Jump to search
| زڵێخام تەتار ... | دوو دیدەش وێنەی وەلەدەی تەتار |
| جەیران دەودۆ، جیا جە قەتار | دوور کەفتەی سارای، مەئوای خوتەن شار |
| مێرغوزار ماوا، ڕەوێڵەی ڕەوێڵ | وەڵگی گوڵ بە دەم نەپای هەردان گێڵ |
| زامەن جە سەری، تەیب بەند موشکەو | نە خەوفی سەیاد، شەو نەکەردە خەو |
| دەیری بیدی گێڵ دەوەندەی دوور پەڕ | کڵاف بە شەونم خونچەی گوڵان تەڕ |
| قنیات کەر وە گوڵ خونچەی سۆسەنان | شەو خاو گەش نەپای بارگەی چل تەنان |
| قودرەت بە کەرەم بێ هەستایی وێت | بە حەرفی ئەوەڵ ئەلف لامی وێت |
| ئەو وەلەدەی شۆخ نەپای هەردان گێڵ | حوققەی نافی موشک، زوڵف ماوا پێڵ |
| پەی ساکنی دەرد بگێرەش نە دام | تا چەندێ مەرهەم بەیۆ پەرێ زام |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse