زولفی کیمی آیاغین قویماز اوپم نیگاریم
| زولفی کیمی آیاغین قویماز اوپم نیگاریم یازار: محممد فوضولی |
زولفی کیمی آیاغین قویماز اوپم نیگاریم
یوخ دور اونون یانیندا بیر قیل‌جا ایعتباریم
اینصاف خوش دور ای عشق، آنجاق منی زبون ائت
ها بویله مئحنت ایله کئچسین می روزگاریم؟
بیلدی تمام-ی عالم کیم دردمند عشقم
یارب هنوز حالیم بیلمز می اولا نیگاریم
وصلین‌دن آیری قانیم نولا توکولسه گول- گول
من گولبون-ی خزانم بو فصل دیر بهاریم
تصویر ائدن ووجودوم یازمیش الیم‌ده ساغر
رفع اولماغا بو صورت، یوخ ال‌ده ایختیاریم
دور ایسته من زمانی، مئی نشعه‌سین باشیمدان
تورپاق اولاندا یارب، درد مئی ائت غوباریم
روسوالرین دن اول مه سایماز منی”فضولی”
دیوانه اولماییم می، دونیاده یوخ می عاریم؟