| «عبدالمطلب» تەمام خۆش عەیش بێ
|
بزورگ ئادەم قەوم قورەیش بێ
|
| سەردار سپای مەککەی شەریف بێ
|
دوشمەن جە خۆفش دایم خەفیف بێ
|
| متەوەللی حەرەم کەعبەی ئەعزەم بێ
|
ساحێب موڵک و جای چەشمەی زەمزەم بێ
|
| سلسلەی قەدیم خانەوادە بێ
|
ئەسڵ مەند پاک حەق پێ دادە بێ
|
| دین حەنەفی «خَليل الله»ش بێ
|
ئایین و مەزهەب «ذَبيح الله»ش بێ
|
| بابۆی دە کەس چوون «ابوطالب» بێ
|
«عبدالله» و «عَباس»، «حَمزة»ی غاڵب بێ
|
| بە حوسن و جەماڵ بوڵەند ئاواز بێ
|
جە ئەهل عەرەب خەیلێ مومتاز بێ
|
| بەڵام عەبدوڵڵا نوور دیدەش بێ
|
ئەرشەد ئەولاد بەرگوزیدەش بێ
|
| نوور موحەممەد شای «خير البشر»
|
نە ڕووی پێشانیش مەدرەخشا چوون خوەر
|
| هەر کەسێ مەدی دیدار پاکش
|
لێش حەرام مەبی خورد و خوراکش
|
| بەڵام کاهنان زوودتەر زانا بین
|
وە عێلم نجووم یەک یەک وانا بین
|
| عەبدوڵڵای عەرەب ئامان بە وجوود
|
پەی ئەهل ئێسلام نەزدیکەن مەقسوود
|
| ئەمما خاتوونان قورەیش و عەرەب
|
دیدە غەزاڵان وە شادی و تەرەب
|
| شۆخ شەکەر لەب شیرین جەماڵ بین
|
گشت پەی عەبدوڵڵا ئاشوفتە حاڵ بین
|
| شەوان تا وە ڕۆ هەر کەسێ پەی وێش
|
دایم پەی وێساڵ تەکلیف مەکەرد لێش
|
| بەڵام عەبدوڵڵا دڵ نەدا وە کەس
|
ئێلتێفات نەکەرد وە هەوا و هەوەس
|
| حەق ئەو دوڕ پاک مەخفی وە پەردە
|
نە پەردەی عێززەت کەردش پەروەردە
|
| مەبۆ زی بەشەر موخبێر نەبۆ لێش
|
تا کە بیاوۆ وە جای ئەسڵ وێش
|
