| ئەرفەخشەد ئەرشەد ئەولاد سام بێ
|
بزورگ ئەولاد گشت خاس و عام بێ
|
| رەسوول مورسەل جەمع ئەنبیا
|
گرۆی ئەولیا زومرەی ئەتقیا
|
| خولەفا و ئێمام ئەسحابەی سەروەر
|
شەهید و غازی ئازاد مەحشەر
|
| پیر و مورید و مشایەخ تەمام
|
سولەحا و نەجیب دایرەی ئێسلام
|
| عولەمای فازڵ شەریعەت مەدار
|
حاجیان حەج پاکیزە کردار
|
| هەر چی موستەقیم جادەی ئێسلامەن
|
نەسڵ ئەرفەخشەد ئەولاد سامەن
|
| سانی کەیۆمەرس هەم فەرزەند سام
|
شێر بێ ئەندێش نادرەی نیک نام
|
| دنیا جە شۆرش ئەو کەرد مونەززەم
|
بی بە پادشای ئەولاد ئادەم
|
| هەر چی پادشای ڕووی سەرزەمینەن
|
خاقان خاقانان، چین و ماچینەن
|
| تایفەی کەیان، کەیانان کەی
|
سپاسالاران لەشکر کێش ڕەی
|
| سولتان سولتانان، ئێسلام پەناهان
|
تاج مورەسسەع، تەخت زەڕ جاهان
|
| وکەلای ئەییام، ئومەرای عێزام
|
بەگلەر بەگلەران، دارای سەنگین سام
|
| حوکەمای قابل دەور دەهر دوون
|
زومرەی دەوڵەتمەند، نە ڕوبع مەسکوون
|
| هەر چی خۆش ئێقباڵ ئەعلا مەقامەن
|
توخم کەیۆمەرس ئەولاد سامەن
|
| هەفتاد و دوو نەوع، هەفتاد و دوو دین
|
قەرار دان ئەدیان نە ڕووی سەرزەمین
|
| مێللەت مێللەتان، هەر یەکێ یەک کێش
|
هەر کام مەزهەبێ قەرار دا پەی وێش
|
| نوتفەی ئادەمی وە غایەت یاوا
|
تا بی ئی دنیا مەعموور و ئاوا
|
