روزگاریم بولدی دوران-ی فلک‌دن اینقیلاب
Jump to navigation
Jump to search
| روزگاریم بولدی دوران-ی فلک‌دن اینقیلاب یازار: محممد فوضولی |
روزگاریم بولدی دوران-ی فلک‌دن اینقیلاب
قان ایچینده اولدوم ایاق چکدی بزمیم‌دن شراب
شوعله-یی آه-ی یاندیردیم دیلی سر گشتیه
بیر اود اولدوم جیزگه‌نن جورمده اولمازمی کاباب
لعلین ایله باده بحث ائتمیش ذهی گومراه‌لیق
اولدی واجیب ائیله‌مک اول بی‌ادب‌دن ایجتناب
وئرمز اولدی یول ویصاله پیچ-ی زلفون آه-ی کیم
ریشته-یی تدبیردن دوران کج‌رو آچدی تاب
اولمادی اول ماهه روشن یاندیغیم هیجران گونی
یاندیقین شب تا سحر شمعین نه بیلیسین آفتاب
گوز که پیکانین قاپیب گوگ‌دن ساچار هریان سرشک
بیر صدف‌دیر قطره-یی بارانی ائیلر دورر-ی ناب
اولدی ابر-ی دود-ی آهیم پرده‌یی روخسار-ی ماه
آه کیم آلماز جمالیندن هنوز اول مه نیقاب
کسمه‌دی من‌دن سر کوی‌نده آزارین قریب
ای فوضولی جننت ایچره نئجه یوخ دئرلر عذاب