| خانː شاکە لە سەردا شاکە لە سەردا
|
ڕاس باچە پەریم ئمجا لە سەردا
|
| شاکە تن ئەو شا دەس لە خەێبەردا
|
کی گرەێ ئاگر لە جەسەت وەردا
|
| شاکەː خان لە مابەێن خوران و بازان
|
جاگەێ عەێش و نووش کەمەن درازان
|
| گەلێ کورپە دۊیەت درات لە ماڵان
|
ھێمان ھانە سن ھەێشت و نوو ساڵان
|
| وە لێوە خەنە وە تیرە نازان
|
داخڵ بۊن لە ئاو سەراو بازان
|
| لە جەڵد درامان قۊتە بۊن لە ئاو
|
وە پەنجەێ شمشاڵ یەک مێان قەشاو
|
| لە جڵد درامان قۊتە بۊن لە حەوز
|
رۊ حەوز پووشانن چۊ تاڵەێ سەرسەوز
|
| لە وێنەێ سەرسەوز مەدان ئەو رۊ تاف
|
دان وە تافەێڵا زوڵف کەڵاف کەڵاف
|
| شستشو کەردەن چۊ غازێ وەناز
|
گاگا قیقەێ چەرخ و گاگا بریقەێ باز
|
| لە ئاو درامان جەڵا دان سەروەن
|
تیپ دان چۊ کەڵ رەم دیار دەروەن
|
| لە ئاو درامان خاڵ وە رێشتەوە
|
خان مەسۊر نەیدان لە مانێشتەوە؟
|
| ئەوڵ حەنیفە گوڵ جەماڵشەن
|
ئاڵەم حەزرەتمەن زنج و خاڵشەن
|
| دوێم جەواھێر تەمام بێ عەێوە
|
ڕشتەێ ڕەنگاێ ڕەنگ کارخانەێ خەێوە
|
| سێم تەمامە تەمام تەمامە
|
گیسوو چۊ کەمەن وێنەێ بەھرامە
|
| چوارم خەێریە خەێری وە بارە
|
بوو دەرۊنەگەێ مشک عەتارە
|
| پەنجم فاتمە گیس چۊ بەڕەزا
|
وێنەێ خوەر زەرد لە رۊ کەمەردا
|
| شەشم ئاسێە خاڵ چۊ ئاسارە
|
ئەو خاڵە لە رۊ زنجێ دیارە
|
| ھەفتم زینەتە بەرزە چۊ چنار
|
نیش بژانگێ چۊ تیر مەکەێ کار
|
| ھەێشتم گوڵخەنان دۊەت سەیەمەێ
|
دەم وێنەێ جەێران باڵا وێنەێ نەێ
|
| نووم نۊریە نۊر پەێدا کەردە
|
مەر مەفتۊل لە دەور مینا لۊل خوەردە
|
| دەھم نسرەتە ھۊل و سۊەر ھەمس
|
گل مەخوەێ لە بان خورشێ ئاوەنوس
|
| یانزەھم فەردەوس تفڵ تەڕ داروو
|
ھەواێ گوڵ قومچەێ لێو بەڕ داروو
|
| دوانزەھم خورشێ با ئومەت گێشتە
|
لەو وەفراو و خوەرەێل قولەێ مانێشتە
|
| سێنزەھم فانوس وەو رەفتارەوە
|
وەو خزم و خنج و لنج و لارەوە
|
| خان مەسۊرː شاکە خاڵ لەیل وە ھەێ ھەێ نیەن
|
یان وە نیمەشەو رۊ دوجەێل نیەن
|
| ھەرکەس وە ئقباڵ و وە پێشانی خوەێ
|
وە ئاسان مەکەێ سەێر باخچە و بەێ
|
