دیوانی سالم/س
Jump to navigation
Jump to search
| ←پیتی ز | دیوانی سالم (1860) by پیتی س |
پیتی ش→ |
1[edit]
| خامۆش ببە لە بانگ و سەدا ئەمشەو ئەی خرووس | با دەس بکەم لە گەردنی دڵبەر بە عەیش و بووس |
| ناکەم توهی کەناری دڵارا بە بانگی مورغ | تا دێ سەحەر لە دەرگەهی والی غەریوی کووس |
| تیری نیگاهی عیشوەیی نازم بە جەرگ و دڵ | خوێنینە وەک خەدەنگی تەهەمتەن بۆ ئەشکبووس |
| بۆ قەسدی دڵ ئیشارەیی غەمزەی بە ئەمری چاو | تابووری لەب بە تیپی موژە وەک سوپاهی ڕووس |
| پوستانی دڵبەرم بە نەزاکەت لە چینی زوڵف | وەک گۆیی عاجە بۆ خەمی چەوگانی ئابنووس |
| مەششاتەیی خەیاڵە مەگەر وەسفی ڕوویی یار | زینەت دەدا بە دوختەری فیکرم وەکوو عەرووس |
| زاهید بڕۆ نەسیحەتی من شوغڵی تۆ نییە | جەوهەر دەبا ڕەفاقەتی هەر واعیزی عەبووس |
| ئەی چەرخی واژگوون ستەمی تۆ بە کێ بڵێم | زاڵمدڵی بە جەور و جەفا میسلی فەیلەقووس |
| ئەهلی زەمانە جەنبی هونەر ناگرن بە هیچ | سالم مەکە هەوایی ئەمەل ئێستە بێ فلووس |
2[edit]
| غەیری فیکری وەسڵی دڵبەر، نیمە ئەسڵەن یادی کەس | هر دو عالم را به دشمن ده که ما را دوست بس |
| نیمجۆ گەر بێ وەفا کا، گەندومین ڕوو دڵبەرم | جمله دنیا پیش چشم من نماید یک عدس |
| قەڕن و ساڵ و مەهـ ئەبەد نایێمە یادت لەمحەیێ | ای که بی یاد تو هرگز برنیارم یک نفس |
| عیجزی حاسڵ بوو بە غەفڵەت دڵ لە جەوری دڵبەرم | قند را لذت مگر نیکو نمی دارد مگس؟ |
| دیدە هەڵنایێ لە سەیری گوڵعوزارانی جیهان | تا تو را دیدم نکردم جز به دیدارت هوس |
| بیمی ئافاتم نییە شەوها لەبەر ئوفتادەگی | آنچنانم کز خیالت باز نشناسم عسس |
| بوو بە یەم ئەشکم لە کۆتا وەهـ چ خۆشە ناگەهان | بر سر آیند این رقیبان سبکبارت چو خس |
| سەعبە سالم قاسیدی دڵبەر دوو ئەسبە بێتە لات | بعد ازین بنشین که گردی برنخیزد زان فرس |
3[edit]
| بە فەن ئەی موددەعی! گەر بی بە ئیبلیس | فەریبی دڵبەرم نادەی بە تەلبیس |
| لە جەوری ماهی بێ میهرم هەموو شەو | دەگا ئاهی شەرەربارم بە بیرجیس |
| دڵم تا جەننەتی وەسڵت قوبووڵ کا | دەبەم ناوت بە قەد تەهلیلی ئیدریس |
| پەرێشانە لە ڕووتا کافری موو | مەگەر شێواوە سوڵحی ڕۆم و ئینگلیس |
| مورادم ڕووتە هەرجا وەسفی مەهـ کەم | دەبێ دوو بێ نیشانەی تیری تەجنیس |
| خەبەر کەن شێخی واعیز با بزانێ | بەجوز دەرسی مەحەببەت سەهوە تەدریس |
| سولەیمانم بە تەمکین تا مەکانت | لەناو مەهدی دڵا بێ میسلی بەلقیس |
| ئەوەندە چەرخی داوم چەرخەیی چەرخ | ڕەگی دڵ با درا وەک ڕشتەیی ڕیس |
| ڕەقیب بۆ کاری سالم تۆی خەلەلخواهـ | نەگا یا ڕەب بە مەتڵەب دوزدی دڵپیس |
4[edit]
| نایەڵێ بێمە حوزوورت منی ئاوارە، عەبەس | عاجزیی گوڵ لە جەفای بولبولی بێچارە عەبەس |
| نەوجەوانی! بە ستەم دڵ مەدە، بێ، تووبی خودا | بێ غەمانە بە جەفا ئەم سەری ئازارە عەبەس |
| جەوری خۆت کوشتن و هەم فەخری عەدووی تۆ باعیس | بە سەدای خەندەیی ئەو کوشتنی دووبارە عەبەس |
| کەمی ڕیتە قەدەمت مەردومی چاوم لوئلوء | ئارەزووی چاکە لەگەڵ مەردومی بێکارە عەبەس |
| پایەیی نیک و بەدی لەم تەبەقە بەرعەکسە | هەوەسی ڕوتبە لەلای ئەم سەر و سەرکارە عەبەس |
| دیدەنی قوربی ڕەقیب بوو بە کەدەر کەوتە دڵم | دات بە ڕووی ئاینەدا، ئەم خەتی زەنگارە عەبەس |
| دڵ لە ڕەقسایە وەکوو زەڕڕە لەبەر پەرتەوی ڕووت | بە هەوای شۆڕشی من ڕەقسی حولی دیارە عەبەس |
| ناڵە سوودی نییە سالم لە دڵی کافردا | لەب بدۆزە بە ئەلەم ئەم هەموو هاوارە عەبەس |
5[edit]
| بە وەفایە قەراری من، مەخسووس | بە جەفا شوغڵی یاری من، مەخسووس |
| لە وەفات دوورە بێی، ئەگەر بمرم | ڕووبەڕوو بۆ مەزاری من، مەخسووس! |
| زیندە هەر کەس بە ڕووت، وەلاکین خووت | بەرقە بۆ کشتزاری من، مەخسووس! |
| ئەو کەسە ئیبتدا گوڵی بەش کرد، | خاری خستە کەناری من مەخسووس! |
| لێکی دا ئاسمان بەرابەر زوڵف | ئوسخەیی ڕۆزگاری من، مەخسووس |
| سوورمە بۆ چاوی موددەعی دێنی | گەر بە باد دەی غوباری من، مەخسووس |
| داویە سالم! زەمانە ڕیسوایی | حاسڵی سەعیی کاری من، مەخسووس |