دیوانی حاجی قادری کۆیی/چوارینە
Jump to navigation
Jump to search
| ←مەسنەوی | دیوانی حاجی قادری کۆیی (1876) by چوارینە |
تاک→ |
1[edit]
| یا ڕەب بە قەدەر حەرفی سیووتی یەک یەک | ڕەحمەت لە موسەننیف و لە قاری بێ گەلەک |
| ئەمما عەجەم و ئەو کەسی چاپی دانا | بیباتە جەهەننەم بە عەزاب و بە کوتەک |
2[edit]
| ئەی ڕەفیقانی وەتەن زۆر غەزەلم ماوە لەوێ | لە کەنارێکەوە تەقدیرە وەکوو هەڵبکەوێ |
| وەک سەفینە بگەڕێ بیخەنە بەر بەحری قسەم | حەیفە وەک من لە غەریبی بمرێت و نەتەوێ |
3[edit]
| لە سەردەشتی میحنەت پەڕەی کردەوە | کەوانی بەڵا، لۆکەیی پەیکەرم |
| بەڵاڵووکە دەرمانی دەردم دەڵێن | بە پارە وەگیر ناکەوێ بیکڕم |
4[edit]
| ئەی عوتارید لە دەرت خادیمی سەججادە بە شان | وەی لە کۆیی فوسەحادا قەڵەمت سنجقەشان |
| حاجی قادر نییە بەیتێکی وەکوو ئێوە بڵێ | ئەسپی کۆن زەحمەتە دەرچێ لەگەڵ ئاهووڕەوشان |
5[edit]
| نەقدی عومرم بە غەزەل دا و دووکانم دانا | هیچ کەسێ نەیکڕی، ترسام لە ڕزین و لە خوران |
| بێ بەها دامە ئەم و ئەو وەکوو کوردێک کە ڕژا | ڕۆنی؛ ئەو وەقتە دەڵێ: کردمە خێری کوڕەکان |
6[edit]
| سەقەرێکە سەفەری ڕەهڕەوی بێ تووشە | خاسەتەن ئەم سەفەری بەد ئەسەری بێ تووشە |
| بەدرەقەی ڕێگە ئەگەر خدری نەبی بێ تووشە | کافییە کافییە کوا مەنزڵی من بێ تووشە؟ |
7[edit]
| یا ڕەببی تو خەللاقی عظيم الشأنی | هەرچی کە بووە و دەبێ و دەیێ دەیزانی |
| من بێ خەبەرم لە ئەووەڵ و ئاخری خۆم | حاڵیم بکە لەم بەیتە چییە ئینسانی؟! |
8[edit]
| بەیتی نالی و بەیتی من گەر تێکەڵی یەکتر دەکەن | ئەحمەقی سوورەتپەرست و جاهیلی مەعنانەزان |
| حاجی لەکلەک لەک بە لەک فەرقی لەگەڵ تووتی هەیە | وەک هەزاری نەوبەهار و بولبولی فەسڵی خەزان |
9[edit]
| شەوکەتی جووتەی سمێڵت تاکە، مانەندی کەمە | تەرکەشی تیری تەژا و شیری دەستی ڕۆستەمە |
| ڕووی لە تەختی ڕوومەتت هێناوە بۆ شانت دەڵێی | ماری سەر شانی زوحاک و دوژمنی تەختی جەمە |
10[edit]
| سمتی دەلەرێتەوە دەڵێی دووگی مەڕە | گرد و سپی و لووسە وەکوو تووری تەڕە |
| ماڵێکە ئەگەر بدا بە نەقدی دڵ و جان | خۆشتی لە سەری بنێی، جەهەننەم بکڕە |