دیوانا مەلایێ جزیری/ف
Jump to navigation
Jump to search
| ←قافییا ش | دیوانا مەلایێ جزیری (1630) by قافییا ف |
قافییا ق→ |
سەر ددت ئابێ کەوسەرێ، زەمزەمەیێ سەمایێ زولف[edit]
| سەر ددت ئابێ کەوسەرێ، زەمزەمەیێ سەمایێ زولف | سایە نومایە خاوەرێ، سدرەیێ مونتەهایێ زولف |
| سایە نومایێ جەبهەتێ، نەقش و خەتێ ژ قودرەتێ | نوقتە و حەرف و جەزمە تێ، بال و پەڕێن هومایێ زولف |
| بال و پەڕێن سفەت هوما، سایە ل جەبهەتێ نوما | خەمری و زولف چوونە سەما، یەک ب یەک ئەو ل بایێ زولف |
| نەترک و بەلگ و شەترییان، ڕەقسە ژ ڕەنگێ خەمرییان | باز و عوقاب و قومرییان، سەیرە سەحەر ب تایێ زولف |
| هەر مە ژ بورجێ سونبولە، پەنجە د سینە و دلە | دوور و دراز و موشکلە، قسسەیێ ماجەرایێ زولف |
| بەستنە زولف دەر کەمین، حەلقە ب حەلقە چین ب چین | یەغمە دکن دلان نهین، نینە یەقین خەتایێ زولف |
| ڕۆم و عەرەب ژ هەر تەرەف، جەنگ و سەواشە وان ب خەف | هندی و زەنگی سەف ب سەف، هاتنە بەر لوایێ زولف |
| هەر دەم و هەر سەعەت ژ نوو، پێتە د سینە نار و دوو | سەبر و قەرارێ من ژ کوو، عاشق و موبتەلایێ زولف |
| زولفێ سیاهێ بێ وەفا، قەت مە نەدی ژ وێ سەفا | کوشتمە ئەز ب سەد جەفا، ئاهـ ژ دەست جەفایێ زولف |
| زۆر و فەقیر و موبتەلا، زاهد و سووفی و مەلا | کوشتنە ئەو ب سەد بەلا، کەس نەکەڤت بەلایێ زولف! |
ئیرۆ ژ شەهکاسا سوڕێ، مەی هاتە فنجانا سەدەف[edit]
| ئیرۆ ژ شەهکاسا سوڕێ، مەی هاتە فنجانا سەدەف | مننەت کو ئیرۆ دێم دوڕێ، دا من مەیا حوسنا خوە خەف |
| خەف دا مە جاما کەوسەرێ، شێرین قەد و لەب شەککەرێ | بایێ سەبا دا چەنبەرێ، هاتن سەما شەتری و لەف |
| شەتری و زولف و بەلگ و پەڕ، هەمیان ل دێم دەعوا و شەڕ | ئیلان ل سەلوا بوونە گەڕ، عەقرەب خویان «از هر طرف» |
| عەقرەب نەهن ئەو سونبولن، بووعەنبەر و داڤا دلن | نیشان ژ مسک و فلفلن، وان سینەیێ من کر هەدەف |
| دا سینە جوهتێ تیر خوەش، قەوسێ هلالێ تۆزڕەش | یەک تیرێ پوڕ کوشتن ل مەش، خوونێ د جەرحان دایە کەف |
| من خوون ب جۆ تێتن ژ دل، ئەو بازییێ بێ تۆر و سل | داکەفتە نێڤ تۆڕا قزل، قومری نەهشتن ڕەف ب ڕەف |
| ڕەف ڕەف نەهشتن زاغ زاغ، دانینە دل من داغ داغ | دێ کی بمینت ساغ ساغ، وەستانە لەشکەر سەف ب سەف |
| سەف سەف مە دین هندی و زەنگ، جەنگیز هات تەیموورێ لەنگ | خەف وان ڕەشاندن دل خەدەنگ، تەشبیهی تیرێن خان شەرەف |
| تیرەک ژ قەوسێ مال زراڤ، بێ دل تو وی باڤێژە ناڤ | خوون تێ پوڕی تەشبیهی ئاڤ، فەریاد و ئەفغان سەد ئەسەف |
| جان دێ بدت ئەو مال خەراب، هەر سینەیی جۆتەک غوراب | تێدا برن پەنجە و کولاب، وی جان د دەست و ڕووح د کەف |
| جانێ مەلێ ڕووحا مەلێ، نوورا ژ قودرەت نوقتە لێ | ڕەمزەک نهین دا من وەلێ، نالی ژ بەر وەک نای و دەف |