| دڵ زەمینەوە ...
|
مەفڕیۆ مەدۆ وێش زەمینەوە
|
| چوون تیفلان ماچۆ، بەو گرینەوە
|
ئەو خاڵەم مەبۆ، بەو جەمینەوە
|
| خاکی ڕووی زەمین مەکەرۆ بە کۆ
|
مەکەرۆش بە سەر هەتا مەتاوۆ
|
| بە زار مەناڵۆ، مەناڵۆ بە زار
|
زار زار وێنەی مورغ زەدەی هیجران بار
|
| من واتم دڵە قنجە قنجە بای
|
بە نیشی ئەڵماس ژاراو ڕەنجە بای
|
| خاڵی بە ڕوخسار زڵێخا چارەن
|
مانگی ڕووی زەمین، نەقشی ستارەن
|
| کێ مەدۆ وە دەست چوون تۆ گەدایێ؟
|
جە گەدا بەدتەر بێ ڕەویە و ڕایێ
|
| ئەبلەهـ، مەکەرە خەیاڵانی خام
|
نمەیۆت وە دەست خاڵی دڵئارام
|
| وێت مەدەر وە دەست خوردە خەت و خاڵ
|
خەیاڵ مەکەرۆت بە کۆگای زوخاڵ
|
