دڵە یاد کەرە
Jump to navigation
Jump to search
| دڵە یاد کەرە، دڵە یاد کەرە | فەسڵی جوانیت، ئیسە یاد کەرە |
| جە دەستی پیریت، ئەمجار داد کەرە | هەم بکێشە ئاخ، هەم فەریاد کەرە |
| مەنزڵ وێرانەن، خاس کەوتەن وازت | بگرەوە پەی حاڵ، جەستەی بێ نازت |
| ئیسە بۆ وە هۆش، مەگەر بێ هۆشی | جوانیت ویەرد، بدیە وە گۆشی |
| ئەر دیدەت وینان، بدیە نە جامان | جەستەی وێت وینە، جە سەر تا دامان |
| باڵات چوون تیر بێ، فەرقت وێنەی قیر | تیرت بی کەمان، فەرقت بی وە شیر |
| کۆن سافی ڕوخسار سەفحەی جەبینت؟! | کۆن دیدەی پۆڕ نوور موژەی جەمینت؟! |
| چەم چەمەی هووناو ئەسرینش خێزان | سەر نێش قولاپ، موژانش ڕێزان |
| عەقدی دوندانت یەک جە یەک، جیان | ڕەنگی مرواریت چوون شەوی سیان |
| بدیە وە کەمان، چەمیدەی چەفتت | کۆن تێژی هەڵمەت؟، کۆن ڕەختی ڕەفتت؟! |
| قامەت چەفت و لار، دوندان کەفت و کەل | گێرە پای لەنگ، تۆ بە دەستی شەل |
| هەڕ دە وە سەردا چوون ئازیز مەردە | پەی وەشی وەرین، عومری ویەردە |
| درێغ هەر نەبیا سەیدی جە زەلدا | نەک بدیا وە حاڵ جەستەی خەلەلدا |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse