دڵی دایک

←

دڵی دایک (1953)
by قانع

→

306963دڵی دایک1953قانع

جارێکیان لاوێک سەرگەرم و مەغروور	لە ناو یارانا بە نەزان مەشهوور
ئەیدا لە دایکی هەرتا ئەیتوانی	وتاری باوکی بە هیچ ئەزانی
دڵی چووە سەر دراوسێ ماڵی	ژنێکی زۆرزان خۆش خەت و خاڵی
ئیشارە بە چاو پێکەنین بە دەم	بە بەینیانا چوو لە زۆر و لە کەم
گا شەڕە چەپۆک گا پاڵ پێوەنان	هەتاکوو ئیشیان لە ئیش ترازان
دایکی لاوەکە بەم ئیشەی زانی	کەوتە تەدبیری زۆر بە ئینسانی
وتی خوشکەکەم مەیە بۆ ماڵم	خرابمان مەکە و مەشکێنە باڵم
ئەم کوڕی منە سەرسەری مەکە	لە ژینی دنیای بێبەری مەکە
ژنی دراوسێ کە زانی وایە	تەرکی ماڵی کرد نەهات بۆ کایە
لەپاش یەک دوو ڕۆژ کوڕە هیلاک بوو	بۆ نەهاتن یار تەواو خەمناک بوو
شەوێک لە شەوان زۆر بە پەنهانی	چوو بۆ لای دۆسە هیچ کەس نەیزانی
وتی گیانەکەم بۆ تەرکت کردم	بە چاوت قەسەم ئەوا من مردم
وەرامی داوە مەعشووقەی عەییار	وتی خۆشەویست بۆ من بریندار
دایکت زانیویە ئابڕووی بردم	نازانی پیرێ کە چی پێ کردم؟
تازە من و تۆ بۆ یەکتر نابین	هەتاکوو مردم بۆ لای یەک ناچین
کوڕ هاتە وتار ئامان سەد ئامان	لێم زویر نەبی دەستم بە دامان
تۆ چی ئەفەرموویت سەرم لە ڕێتە	پەردەی دڵەکەم خاکی ژێر پێتە
وتی ئەتەوێ بم بە میوانت؟	دس کەمە ملت بێمە سەر ڕانت؟
دایکت زگ بدڕە و دڵی دەر بێنە	مەیخە بەیانی ئەمشەو بۆم بێنە
منیش ئەوساکە وەکوو جارانم	هەرچی بڵێی پێم بەندە فەرمانم
کوڕ بە نەزانی ڕای کردۆ بۆ ماڵ	زگ دایکی دڕی سا بە هەر ئەحواڵ
دڵی دەرهێنا و خستیە سەر دەستی	بردی بۆ یاری دوو دیدە مەستی
هێندە پەلەی کرد کوڕی مل قەوی	پێی هەڵخلیسکا و کەوتە سەر زەوی
بە زووانی حاڵ دڵ هاتە زمان	وتی ئەی ڕۆڵە ئامان سەد ئامان
هۆشت بێ دەخیل بریندار نەبی	لە نەخۆشخانە زار و خوار نەبی
قەزات لە گیانم لەسەرخۆ بڕۆ	ئێشت پێ نەگا بمکەی ڕەنجەڕۆ
هەر کەس بزانێ کە دایک کامە؟	هەتاکوو مردن چەشنی خوڵامە
چاو بقونجێنە لە نان و ئاوت	پەڕۆ گوو شۆرین بێنە پێش چاوت
ئەم جار ئەزانی کە دایک چییە؟	بۆ تۆزێ ئێشت ئارامی نییە

This work is first published in Iraq and is now in the public domain because its copyright protection has expired by virtue of the Law No. 3 of 1971 on Copyright, amended 2004 by Order No. 83, Amendment to the Copyright Law. The work meets one of the following criteria:

It is an anonymous work or pseudonymous work and 50 years have passed since the year of its publication
It is a work where the copyright holder is a legal entity or a work of applied art and 50 years have passed since the year of its publication
It is a photographic or cinematic work that is not compositive (artistic in nature) first published before 1 January 1999
It is work published in Iraq before 1 January 1954, and the author died before 1 January 1979
It is another kind of work, and 50 years have passed since the year of death of the author (or last-surviving author)
It is one of "collections of official documents, such as texts of international laws, regulations and agreements, judicial judgements and various official documents."
It is the work of a body corporate, public or private, published by January 1st, 1980 (Article 20, 1971 law).