دا دنيا ده بې وفا

From Wikisource
Jump to navigation Jump to search
دا دنيا ده بې وفا
by رحمان بابا

دا دنيا ده بې وفا
بې وفا ده بې بقا

نه ئې مخ شته نه ئې څټ شته
لکه لوټه د صحرا

په يوه ګړۍ ئې مخ وي
په يوه ګړۍ ئې شا

په يوه ګړۍ د ستا شي
په يوه ګړۍ زما

په يوه ګړۍ ئې درد وي
په يوه ګړۍ دوا

په يوه ګړۍ ئې خوف وي
په يوه ګړۍ رجا

په ساعت کښې ئې بقا وي
په ساعت کښې ئې فنا

په ساعت کښې ئې سکوت وي
په ساعت کښې ئې غوغا

په ساعت کښې ئې خندا وي
په ساعت کښې ئي ژړا

په ساعت کښې ئې وفا وي
په ساعت کښې ئې ژړا

په ساعت کښې ئې وفا وي
په ساعت کښې ئې جفا

په ساعت کښې ئې افلاس وي
په ساعت کښې ئې غنا

نه څه شان لري نک شکل
کله دا شي کله دا

خدائې څوک پېښ مه کړه رحمانه
په دا هسې رنګ بلا


This work was published before January 1, 1929, and is in the public domain worldwide because the author died at least 100 years ago.