خەلقان هەراسان بێ قەراریمەن
Jump to navigation
Jump to search
| خەلقان هەراسان بێ قەراریمەن | هەر شەو تا بە ڕۆ شین و زاریمەن |
| چم نەجای ئەسرین زۆخاو جێش مشۆ | کافر وەجەستەم بەزئیش مەیۆ |
| نێش موژەی تۆم دڵ کەردەن پاره | وەدەواو دەرمان نمەبۆ چاره |
| مەرقەترەی عەرەق پای بەیان زەرد | چەنی نۆختەی خاڵ، فیرۆزەی بێ گەرد |
| چەنی تای کەڵاف مۆشک عەتر ئامێز | خەیاتەی بێ خەوش گا سیاو، گا دێز |
| بکیانە پەرێم حووری زادەی حوور | پەرێ بەقیەی زام نەسرفتەی ناسۆر |
| دڵسۆزان بەیان جەهۆزانەوە | جای نێش مۆژەت بدۆزانەوە |
| نۆختەی ماوای خاڵ عەتر لیمووان | مەرهەمەن پەی زام جەستەی ناتەوان |
| دڵ کەرۆ خەڵاس جە ئێش زامت | وەرنه هەر بە سۆن تا ڕۆی قیامەت |
This work was published before January 1, 1929, and is in the public domain worldwide because the author died at least 100 years ago.
Public domainPublic domainfalsefalse