خونچە گوڵ جە گڵ
| خونچە گوڵ جە گڵ ... | زیاوە جە پەی نەو وەهار جە گڵ |
| جە دلێو چەمەنان وەندەوە بوڵبوڵ | ئاخ پەی هام دەردێ چوون من داخ نە دڵ |
| بە دیدەی زوخین، بە دڵەی پڕ داخ | بشیامێ وە سەیر گوڵ خونچانی باخ |
| ناڵەمان کەردا چەنی بوڵبوڵان | ئێمە پەی یاران، ئەوان پەی گوڵان |
| تا وادەی فەسڵ نەو وەهار شیا | دەنگی ناڵەمان نە چەمەن بیا |
| مدیۆ کەس نیەن، غەیر جە من فێشتەر | هەر دەم دەردی یار، لێم مدۆ نێشتەر |
| هەر من دەردینم، منیچ سا جارێ | مدیە جە ناکا جەوەر مەغارێ |
| بەی گشت دەردەوە، بەی دیدەی نمناک | گیانم تەسلیم بی، خەڵتان بیم نە خاک |
|
This work was published before January 1, 1931, and is in the public domain worldwide because the author died at least 100 years ago. |