خوداوەندا گونەهکارم

From Wikisource
Jump to navigation Jump to search
خوداوەندا گونەهکارم  (1650) 
by فەقێ تەیران
خوداوەندا گونەهکارم؛ ب حەققێ زاتێ ئەکبەر کەی پەلیتێ موجبێ نارم؛ ب وێ رەوزا منەووەر کەی
پەلید و ئەز ب عسیانم؛ خودایا ئەز پەشیمانم - - - - - - - -؛ - - - - - - - کەی
ب حەققێ بەیتێ مەعموور کەی؛ ب ڤێ نەجمێ ب ڤێ توورکەەی ڤی مەردودی ژ من دوور کەی؛ ب سددیق و ب عوممەر کەی
ڤی مەردودی وی ناپاکی؛ د گەل کەس وی نەکر چاکی پەریشانم تو قەههاری؛ ب وێ نورا پێغەمبەر کەی
پەریشانم تو سەتتاری؛ رەحیمو خەلقی غەففاری - - - - - - - -؛ ب ئاب حەوز کەوسەر کەی
رەحیم و خەلق رەحمانی؛ ب حەققێ عەرشێ نوورانی منێ مسکین ب غوفرانی؛ تو کاما دل میەسسەر کەی
غەریقم ئەز ب عسیانێ؛ ب ئایات و ب قورئانێ تەلەبکارم ب غوفرانێ؛ تو ئحسانێ میەسسەر کەی
خودانێ لەوحێ ئەفلاکی؛ - - - - - - - - - - - - - - - -؛ ب عوسمان و ب حەیدەر کەی
ژ دەست مەلعون و بەدخاهی؛ دکەم سەد نالییو ئاهی خوداوەندا تو ئیلاهی؛ ب شەفیع رۆژا مەحشەر کەی
خودانێ جنن و ئنسانی؛ غەفور و ساحب ئحسانی ببەخشی من ژ پەریشانی؛ بە ابراهیم و ئازەر کەی
ببەخشی من ئەوو ژاری؛ ژ حەررێ شددەتا ناری تو وی قەبرێ کوورێ تاری؛ ب نوورا خو مونەووەر کەی
بەلێ میم و حێ ب نالینە؛ ب حەق تاها ئو یاسینە خودایا من ب غەفرینە؛ بدە مە دێ مبەششەر کەی


This work was published before January 1, 1929, and is in the public domain worldwide because the author died at least 100 years ago.