حذر قیل آه اودوندان، جورونو عوششاقه آز ائیله
| حذر قیل آه اودوندان، جورونو عوششاقه آز ائیله یازار: محممد فوضولی |
حذر قیل آه اودوندان، جورونو عوششاقه آز ائیله
خس و خاشاکی یاخما، شوعله‌سین‌دن ائحتیراز ائیله
صنم‌لر سجده‌سی‌دیر بیزده طاعت تانری چون، زاهید
کیمی گؤرسن سن اؤز دینین‌ده تکلیف-ی نماز ائیله
حقیقت حرفینی یازماق دیلرسن لوح ذاتین‌ده؟
خطین گول‌روخ‌لرین منظور-ی توت، مشق-ی مجاز ائیله
صنم‌لر سنگ-ی دیل‌لردیر، ائشیتمزلر سؤزو زاهید
یئتر بیهوده من تک اونلارا عرض-ی نیاز ائیله
سنین نازین گؤرنده، عقل قالماز حسبته واللاه
آمان وئر عاشیق-ی دیداره بیر دم ترک-ی ناز ائیله
یولوندا انتیظار-ی مقدمین‌له خاک اولان چوخ‌دور
خرام ائت بیرقدم، من خاکساری سرفراز ائیله
فوضولی جانه تاپشیردین خیالین، ایندی روسوایسن
سنه کیم دئییرکی هر نامحرمه، ایفشایی راز ائیله